Connect with us

پاکستان

چوہدری سالک حسین کی ہدایت پر سیکرٹری ورکرز ویلفیئر فنڈ کا دورہ روم، اوورسیز پاکستانی ورکرز کے سماجی تحفظ کے لیے جامع نظام کی ضرورت پر زور

Chaudhry Salik Hussain

روم (صداۓ سچ نیوز) وفاقی وزیر برائے سمندر پار پاکستانیز و انسانی وسائل کی ترقی چوہدری سالک حسین کی خصوصی ہدایات پر سیکرٹری ورکرز ویلفیئر فنڈ جناب ذوالفقار احمد اٹلی کے شہر روم کا دورہ کر رہے ہیں، جہاں انہوں نے گلوبل اسکلز پارٹنرشپ (GSP) اکیڈمی کے تحت منعقدہ بین الاقوامی مشاورتی اجلاس میں شرکت کرتے ہوئے اوورسیز پاکستانی ورکرز کی فلاح و بہبود، سماجی تحفظ اور حقوق کے حوالے سے پاکستان کا مؤقف پیش کیا۔

اپنے خطاب میں سیکرٹری ورکرز ویلفیئر فنڈ ذوالفقار احمد نے کہا کہ بیرون ملک روزگار کے لیے جانے والے پاکستانی محنت کشوں کی فلاح و بہبود اور سماجی تحفظ کو یقینی بنانے کے لیے موجودہ نظام کو مزید وسعت دینے اور ایک جامع سوشل پروٹیکشن فریم ورک تشکیل دینے کی ضرورت ہے۔ اوورسیز پاکستانی ورکرز کا تحفظ صرف موت اور معذوری کی صورت میں مالی معاونت تک محدود نہیں ہونا چاہیے بلکہ انہیں صحت، پنشن، بے روزگاری، ریٹائرمنٹ اور دیگر ہنگامی حالات میں بھی مؤثر تحفظ فراہم کیا جانا چاہیے۔

انہوں نے کہا کہ پاکستان میں اوورسیز پاکستانیوں کی فلاح و بہبود کے لیے اوورسیز پاکستانیز فاؤنڈیشن (OPF) اور لازمی انشورنس کا نظام موجود ہے، تاہم بدلتے ہوئے تقاضوں کے پیش نظر اس نظام کو مزید جامع اور مؤثر بنانے کی ضرورت ہے۔

ذوالفقار احمد نے مجوزہ مائیگرنٹ ورکرز پروٹیکشن فنڈ کے قیام کو ایک اہم پیش رفت قرار دیتے ہوئے کہا کہ اس فنڈ کے ذریعے بیرون ملک کام کرنے والے پاکستانیوں کے لیے ایک ایسا جامع سماجی تحفظ کا نظام تشکیل دیا جا سکتا ہے جس میں ورکرز، آجر اور متعلقہ ادارے اپنا کردار ادا کریں۔ اس نظام میں پنشن، ریٹائرمنٹ فوائد، صحت کی سہولیات، بے روزگاری انشورنس، موت و معذوری کی صورت میں مالی تحفظ اور ورکرز کے بچوں کے لیے تعلیمی معاونت جیسے اقدامات شامل ہونے چاہئیں۔

سیکرٹری ورکرز ویلفیئر فنڈ نے کہا کہ اوورسیز پاکستانی ورکرز اور ان کے خاندانوں کو فلاحی سہولیات کی فراہمی کے لیے مختلف اداروں کے درمیان مؤثر رابطہ کاری ناگزیر ہے۔ اس مقصد کے لیے اوورسیز پاکستانیز فاؤنڈیشن، ورکرز ویلفیئر فنڈ، بیورو آف امیگریشن اینڈ اوورسیز ایمپلائمنٹ اور وزارتِ اوورسیز پاکستانیز کے درمیان مربوط نظام اور مشترکہ ڈیٹا بیس قائم کیا جانا چاہیے تاکہ مستحق ورکرز اور ان کے اہل خانہ کو بروقت سہولیات فراہم کی جا سکیں۔

انہوں نے اس امر پر بھی زور دیا کہ بیرون ملک دورانِ ملازمت کسی پاکستانی ورکر کی وفات یا معذوری کی صورت میں اس کے خاندان کو مالی معاونت کے حصول کے لیے پیچیدہ طریقہ کار سے نہ گزرنا پڑے۔ دعووں کے اندراج اور ان کی پیش رفت جاننے کے لیے آسان، شفاف اور ڈیجیٹل نظام متعارف کرایا جانا چاہیے۔

ذوالفقار احمد نے کہا کہ بیرون ملک سے وطن واپس آنے والے پاکستانی ورکرز کی مہارتوں اور تجربے سے قومی معیشت کو فائدہ پہنچانے کے لیے بھی مؤثر حکمت عملی اپنانا ضروری ہے۔ ان کے بیرون ملک حاصل کردہ تجربے اور فنی مہارتوں کی تصدیق و سرٹیفکیشن، مقامی صنعتوں میں روزگار کے مواقع اور کاروبار کے فروغ کے لیے معاونت فراہم کی جانی چاہیے۔

انہوں نے مزید کہا کہ پاکستان کو مختلف ممالک کے ساتھ دوطرفہ لیبر اور سوشل سکیورٹی معاہدوں میں پنشن اور سماجی تحفظ کے فوائد کی منتقلی کو بھی شامل کرنا چاہیے تاکہ پاکستانی ورکرز کی بیرون ملک جمع شدہ پنشن اور دیگر سماجی تحفظ کے حقوق وطن واپسی یا ملازمت کی تبدیلی کی صورت میں بھی محفوظ رہیں۔

سیکرٹری ورکرز ویلفیئر فنڈ نے کہا کہ ورکرز ویلفیئر فنڈ اپنے وسیع ادارہ جاتی تجربے، فلاحی خدمات کے نظام اور مالی استعداد کے ذریعے مجوزہ مائیگرنٹ ورکرز پروٹیکشن فریم ورک کی تشکیل میں اہم کردار ادا کر سکتا ہے۔ تاہم اس حوالے سے کسی بھی ممکنہ اشتراک کے لیے قانونی، مالی اور ادارہ جاتی پہلوؤں کا تفصیلی جائزہ ضروری ہوگا، جبکہ ورکرز ویلفیئر فنڈ کے موجودہ قانونی فرائض اور محنت کشوں کے لیے مختص وسائل کا تحفظ بھی یقینی بنایا جائے گا۔

انہوں نے اسلام آباد میں گلوبل اسکلز پارٹنرشپ کے لیے ایک dedicated اور بااختیار سیکرٹریٹ قائم کرنے کی تجویز بھی پیش کی، جو عالمی لیبر مارکیٹ کی ضروریات، ہنرمندی کی ترقی، بین الاقوامی سرٹیفکیشن اور بیرون ملک روزگار کے مواقع کے حوالے سے متعلقہ اداروں کے درمیان رابطہ کاری اور مؤثر عمل درآمد کو یقینی بنائے۔

اپنے خطاب کے اختتام پر ذوالفقار احمد نے کہا کہ پاکستان کا مقصد صرف اپنے شہریوں کو بیرون ملک روزگار کے مواقع فراہم کرنا نہیں بلکہ ان کی روانگی سے لے کر دورانِ ملازمت، ریٹائرمنٹ اور وطن واپسی کے بعد دوبارہ معاشی و سماجی بحالی تک ہر مرحلے پر ان کا تحفظ یقینی بنانا ہونا چاہیے۔ ایک مربوط اور جامع نظام کے ذریعے ہی پاکستانی محنت کشوں اور ان کے خاندانوں کو حقیقی معنوں میں سماجی تحفظ فراہم کیا جا سکتا ہے۔

یہ بھی پڑھیں

Journalist Soban Iftikhar Raja Journalist Soban Iftikhar Raja
پاکستان2 گھنٹے ago

صحافی ثوبان افتخار راجہ کا نام فورتھ شیڈول میں شامل، صحافتی حلقوں میں شدید تشویش اور غم و غصہ

اسلام آباد (صدائے سچ نیوز) بین الاقوامی نشریاتی ادارے اردو نیوز سے منسلک نوجوان صحافی ثوبان افتخار راجہ کا نام...

islamabad-security islamabad-security
پاکستان3 گھنٹے ago

اسلام آباد میں سیکیورٹی ہائی الرٹ، راستوں پر چیکنگ سخت

اسلام آباد (صداۓ سچ نیوز) اسلام آباد پولیس نے کہا ہے کہ وفاقی دارالحکومت میں سیکیورٹی الرٹ کردی گئی ہے...

Kalar kahar region Kalar kahar region
پاکستان3 گھنٹے ago

سردار ذوالفقار علی خان کی سیاسی و سماجی شخصیت ملک فور دل کے انتقال پر اظہارِ تعزیت

کلر کہار( صدائے سچ) پاکستان پیپلز پارٹی کے اہم رہنما و سابق رکن قومی اسمبلی سردار ذوالفقار علی خان، راجہ...

Petrol and Diesel Prices Petrol and Diesel Prices
پاکستان3 گھنٹے ago

حکومت نے پیٹرول اور ڈیزل کی نئی قیمتوں کا اعلان کردیا

کراچی (صداۓ سچ نیوز) حکومت نے پیٹرول اور ڈیزل کی نئی قیمتوں کا اعلان کردیا۔ اوگرا کی جانب سے جاری...

Missiles Missiles
تازہ ترین4 گھنٹے ago

ایران کے جزیرہ قشم میں امریکا کا میزائل حملہ

تہران (صداۓ سچ نیوز) ایران کے جزیرہ قشم میں امریکا نے میزائل حملہ کیا ہے، میزائل حملے میں تاحال نقصان...

musadik-malik musadik-malik
پاکستان4 گھنٹے ago

وفاقی وزیر مصدق ملک کی قیادت میں پاکستانی وفد ایس سی او کے تہذیبی مکالمے میں شرکت کیلئے بھارت پہنچ گیا

نئی دلی (صداۓ سچ نیوز) وفاقی وزیر برائے موسمیاتی تبدیلی ڈاکٹر مصدق ملک کی قیادت میں پاکستانی وفد شنگھائی تعاون...

smog-in-lahore smog-in-lahore
تازہ ترین4 گھنٹے ago

اسموگ کے موسم میں پھیپھڑوں اور قوتِ مدافعت کا خیال کیسے رکھیں؟ مفید غذائیں کون سی ہیں؟

فضائی آلودگی انسانی صحت، بالخصوص پھیپھڑوں کے لیے سنگین خطرہ بن سکتی ہے۔ ایسے میں صرف صاف ماحول ہی نہیں...

islamabad (2) islamabad (2)
پاکستان4 گھنٹے ago

قرآنی معاہدات کا نظام قانون، انصاف اور معاشرتی ذمہ داریوں کی بنیاد ہے، مقررین

اسلام آباد (صداۓ سچ نیوز) مقررین نے کہا ہے کہ قرآن مجید میں بیان کردہ عہد و پیمان کا نظام...

Ahsan Tahir, Rabia Ahsan Murder Case. Ahsan Tahir, Rabia Ahsan Murder Case.
پاکستان4 گھنٹے ago

ربیعہ احسن قتل کیس، نامزد ملزم احسن طاہر اڈیالہ جیل سے رہا

راولپنڈی (صداۓ سچ نیوز) ربیعہ احسن قتل کیس میں ملزم احسن طاہر کو اڈیالہ جیل سے رہا کردیا گیا ہے۔ ...

firingpunjabpolice firingpunjabpolice
پاکستان5 گھنٹے ago

کراچی میں ملزم کی گرفتاری کیلیے پنجاب سے آئی پولیس پارٹی پر فائرنگ سے اے ایس آئی زخمی، ایک جاں بحق

کراچی (صداے سچ نیوز) کراچی کے علاقے سائٹ سپر ہائی وے میں قائم خادم سولنگی گوٹھ میں ملزم کی گرفتاری کیلیے...

Trending