Connect with us

پاکستان

ڈسٹرکٹ ہیلتھ اتھارٹی میں کروڑوں کا گھپلا، وزیر اعلیٰ انسپیکشن ٹیم کاروائی کرنے میں ناکام

District Health Authority Rawalpindi

راولپنڈی (صدائے سچ خصوصی رپورٹ) ڈسٹرکٹ ہیلتھ اتھارٹی راولپنڈی میں کروڑوں روپے کے مبینہ مالی غبن کا معاملہ بدستور تعطل کا شکار۔

وزیراعلی انسپیکشن ٹیم کی جانب سے بار بار دیے گئے احکامات بھی ردی کی ٹوکری کی نذر ہو رہے ہیں جس سے یہ تاثر مضبوط ہو رہا ہے کہ محکمہ صحت کے بعض افسران وزیراعلیٰ کے اصلاحاتی وژن کے برعکس کام کر رہے ہیں۔

آڈیٹر جنرل کی رپورٹ کے مطابق لوکل پرچیز کے نام پر ادویات، طبی آلات، جنرل اسٹور آئٹمز، اسٹیشنری، پرنٹنگ اور دیگر سروسز کی خریداری میں مالی سال 2019-20 سے 2023 تک مجموعی طور پر 16 کروڑ 18 لاکھ روپے سے زائد کی بے ضابطگیوں کی نشاندہی کی گئی تھی۔

آڈٹ اعتراضات سامنے آنے کے بعد 26 دسمبر 2022 کو پہلی انکوائری کمیٹی قائم کی گئی، جس نے 27 فروری 2023 کو اپنی رپورٹ میں سرکاری خزانے کو 6 کروڑ 62 لاکھ روپے سے زائد کے براہِ راست نقصان کی تصدیق کرتے ہوئے ذمہ دار افسران کے خلاف پیڈا ایکٹ 2006 کے تحت کارروائی اور رقم کی فوری ریکوری کی سفارش کی۔

انکوائری رپورٹ میں بتایا گیا کہ راولپنڈی کے 100 بنیادی مراکز صحت، 13 میونسپل میڈیکل سینٹرز، 15 گورنمنٹ رورل ہیلتھ ڈسپنسریز اور 6 زچہ بچہ مراکز میں بغیر طلب مہنگے نرخوں پر ادویات کی خریداری ظاہر کی گئی، جبکہ متعدد مقامات پر ادویات اور طبی سامان کی فراہمی صرف کاغذات تک محدود رہی۔

رپورٹ کے مطابق ٹینڈر کے ذریعے پبلک خریداری کے بجائے خریداری کو مختلف حصوں میں تقسیم کر کے اوپن مارکیٹ سے مہنگی کوٹیشنز پر ادویات اور آلات خریدے گئے، جو پیپرا رولز 8 اور 22 کی کھلی خلاف ورزی تھی۔ اس کے علاوہ مارکیٹ ریٹس سے زائد اسٹیشنری، پرنٹنگ اور ٹرانسپورٹیشن چارجز کی ادائیگی بھی کی گئی، جبکہ 89 لاکھ روپے سے زائد کی ایسی ٹرانزیکشنز سامنے آئیں جن کا کوئی ریکارڈ پیش نہیں کیا جا سکا۔

ذرائع کا کہنا ہے کہ اتنی واضح انکوائری رپورٹ اور سفارشات کے باوجود نہ تو ذمہ دار افسران کے خلاف تادیبی کارروائی عمل میں لائی گئی اور نہ ہی سرکاری خزانے کو پہنچنے والے نقصان کی ریکوری کی جا سکی۔ پہلی انکوائری کے بعد 14 اپریل 2023 کو دوسری کمیٹی قائم کی گئی، جسے 8 مئی تک رپورٹ دینا تھی، تاہم رپورٹ پیش ہونے سے قبل ہی اس کمیٹی کو تحلیل کر دیا گیا۔

بعد ازاں تیسری کمیٹی بھی تشکیل دی گئی، لیکن مقررہ مدت گزرنے کے باوجود اس کی رپورٹ بھی سامنے نہیں آ سکی۔

ذرائع کے مطابق وزیراعلیٰ انسپیکشن ٹیم نے معاملے کی سنگینی کو دیکھتے ہوئے محکمہ صحت کو متعدد بار رپورٹ پیش کرنے کے احکامات جاری کیے، تاہم ان ہدایات پر بھی تاحال کوئی مؤثر عملدرآمد نہیں ہو سکا۔ باخبر حلقوں کے مطابق یہ طرزِ عمل وزیراعلیٰ پنجاب مریم نواز کے اس واضح مؤقف کے منافی ہے جس کے تحت وہ چاہتی ہیں کہ سرکاری ادارے شفاف، جوابدہ اور عوامی خدمت کے حقیقی مراکز بنیں۔

دوسری جانب سابق سی ای او ہیلتھ راولپنڈی ڈاکٹر انصر اسحاق کا کہنا ہے کہ بطور پرنسپل اکاؤنٹنگ آفیسر انہوں نے آڈٹ اعتراضات سامنے آنے پر بروقت اعلیٰ حکام کو آگاہ کیا اور شفاف تحقیقات کے لیے تحریری مراسلے ارسال کیے، تاہم انکوائری رپورٹس کو فائلوں میں دبانا اور بار بار کمیٹیاں بدلنا اس امر کی نشاندہی کرتا ہے کہ معاملے کو دانستہ طور پر طول دیا جا رہا ہے۔

سرکاری اور عوامی حلقوں میں یہ سوال شدت اختیار کر رہا ہے کہ اگر وزیراعلیٰ کی واضح ہدایات، وزیراعلیٰ انسپیکشن ٹیم کے احکامات اور ثابت شدہ مالی بے ضابطگیوں کے باوجود بھی کوئی عملی کارروائی نہیں ہو پاتی تو ایسے افسران کے خلاف کب اور کیسے کارروائی کی جائے گی جو وزیراعلیٰ کے اصلاحاتی وژن کے راستے میں رکاوٹ بنے ہوئے ہیں۔ مبصرین کے مطابق بروقت ریکوری اور قانونی کارروائی نہ ہونا نہ صرف سرکاری وسائل کے ضیاع بلکہ نظامِ احتساب کی ساکھ کے لیے بھی ایک سنجیدہ چیلنج بنتا جا رہا ہے۔

Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

یہ بھی پڑھیں

Journalist Soban Iftikhar Raja Journalist Soban Iftikhar Raja
پاکستان5 گھنٹے ago

صحافی ثوبان افتخار راجہ کا نام فورتھ شیڈول میں شامل، صحافتی حلقوں میں شدید تشویش اور غم و غصہ

اسلام آباد (صدائے سچ نیوز) بین الاقوامی نشریاتی ادارے اردو نیوز سے منسلک نوجوان صحافی ثوبان افتخار راجہ کا نام...

islamabad-security islamabad-security
پاکستان6 گھنٹے ago

اسلام آباد میں سیکیورٹی ہائی الرٹ، راستوں پر چیکنگ سخت

اسلام آباد (صداۓ سچ نیوز) اسلام آباد پولیس نے کہا ہے کہ وفاقی دارالحکومت میں سیکیورٹی الرٹ کردی گئی ہے...

Kalar kahar region Kalar kahar region
پاکستان6 گھنٹے ago

سردار ذوالفقار علی خان کی سیاسی و سماجی شخصیت ملک فور دل کے انتقال پر اظہارِ تعزیت

کلر کہار( صدائے سچ) پاکستان پیپلز پارٹی کے اہم رہنما و سابق رکن قومی اسمبلی سردار ذوالفقار علی خان، راجہ...

Petrol and Diesel Prices Petrol and Diesel Prices
پاکستان6 گھنٹے ago

حکومت نے پیٹرول اور ڈیزل کی نئی قیمتوں کا اعلان کردیا

کراچی (صداۓ سچ نیوز) حکومت نے پیٹرول اور ڈیزل کی نئی قیمتوں کا اعلان کردیا۔ اوگرا کی جانب سے جاری...

Missiles Missiles
تازہ ترین6 گھنٹے ago

ایران کے جزیرہ قشم میں امریکا کا میزائل حملہ

تہران (صداۓ سچ نیوز) ایران کے جزیرہ قشم میں امریکا نے میزائل حملہ کیا ہے، میزائل حملے میں تاحال نقصان...

musadik-malik musadik-malik
پاکستان7 گھنٹے ago

وفاقی وزیر مصدق ملک کی قیادت میں پاکستانی وفد ایس سی او کے تہذیبی مکالمے میں شرکت کیلئے بھارت پہنچ گیا

نئی دلی (صداۓ سچ نیوز) وفاقی وزیر برائے موسمیاتی تبدیلی ڈاکٹر مصدق ملک کی قیادت میں پاکستانی وفد شنگھائی تعاون...

smog-in-lahore smog-in-lahore
تازہ ترین7 گھنٹے ago

اسموگ کے موسم میں پھیپھڑوں اور قوتِ مدافعت کا خیال کیسے رکھیں؟ مفید غذائیں کون سی ہیں؟

فضائی آلودگی انسانی صحت، بالخصوص پھیپھڑوں کے لیے سنگین خطرہ بن سکتی ہے۔ ایسے میں صرف صاف ماحول ہی نہیں...

islamabad (2) islamabad (2)
پاکستان7 گھنٹے ago

قرآنی معاہدات کا نظام قانون، انصاف اور معاشرتی ذمہ داریوں کی بنیاد ہے، مقررین

اسلام آباد (صداۓ سچ نیوز) مقررین نے کہا ہے کہ قرآن مجید میں بیان کردہ عہد و پیمان کا نظام...

Ahsan Tahir, Rabia Ahsan Murder Case. Ahsan Tahir, Rabia Ahsan Murder Case.
پاکستان7 گھنٹے ago

ربیعہ احسن قتل کیس، نامزد ملزم احسن طاہر اڈیالہ جیل سے رہا

راولپنڈی (صداۓ سچ نیوز) ربیعہ احسن قتل کیس میں ملزم احسن طاہر کو اڈیالہ جیل سے رہا کردیا گیا ہے۔ ...

firingpunjabpolice firingpunjabpolice
پاکستان8 گھنٹے ago

کراچی میں ملزم کی گرفتاری کیلیے پنجاب سے آئی پولیس پارٹی پر فائرنگ سے اے ایس آئی زخمی، ایک جاں بحق

کراچی (صداے سچ نیوز) کراچی کے علاقے سائٹ سپر ہائی وے میں قائم خادم سولنگی گوٹھ میں ملزم کی گرفتاری کیلیے...

Trending