شہدائے مسجدِ خدیجہ الکبریٰ کی یاد میں مجلسِ ترحیم و مرکزی چہلم کا امام بارگاہ ابو ترابؑ میں انعقاد

اسلام آباد (صدائے سچ نیوز) مجلسِ ترحیم و شہیدِ مسجدِ خدیجہ الکبریٰ ترلائی کلاں الحاج زوار سید گل انداز حسین شاہؒ اور دیگر شہداء کا مرکزی چہلم امام بارگاہ ابو تُــرابٔ ضریح امام حسینؑ و غازی عباس علمدارؑ (فراش ٹاؤن اسلام آباد) میں زیرِ انتظام آلِ عبا فاؤنڈیشن منعقد کیا گیا ۔

تقریب کے تمام تر انتظامات خانوادہِ سید امتیاز حسین شاہ سبزواری مرحوم و فرزندانِ شہید گل انداز حسین شاہ ،سید عدنان حیدر سبزواری اور سید حسنین حیدر سبزواری اور آلِ عبا فاؤنڈیشن نے ادا کئے ۔

اس موقع پر سیکورٹی کہ فول پروف انتظامات آلِ عبا فاؤنڈیشن کے سکاؤٹس نے ضلعی انتظامیہ و قانون نافذ کرنیوالے اداروں کے بھرپور تعاون سے ادا کئے۔

مجلس ترحیم میں مُلک کہ طُول و عَرض سے مُحبانِ محمدؑ و آل محمد سمیت قائد ملت جعفریہ سید ساجد علی نقوی کہ فرزند ڈاکٹر عون ساجد نقوی اور مجلس وحدت المسلمین کہ وائس چیئرمین سید احمد اقبال رضوی نے شرکت کی اور پر اثر خطاب کیا۔

مجلس کا آغاز تلاوت قرآن سے ہوا جس کے بعد حدیث کساء پڑھی گئی ۔ ملک کے معروف منقبت خوانوں نے سلام و منقبت کا نذرانہ پیش کیا گیا۔ مزید یہ کہ عالم اسلام کے جید علمائے کرام جن میں معروف عالم دین علامہ محسن رضا کاظمی ، بزرگ عالمِ دین شفا نجفی نے مرکزی خطاب کیا۔ اختتام مجلس پر دعا و خطابت سید زاہد حسین جعفری نے کی اور ذکرِمحمدؑ و آل محمدؑ سے تمام حاضرینِ مجلس کہ قلوب و اذہان کو روشن کیا۔

اس موقع پر اِس بات کا عہد کیا گیا جب تک خون کا ایک قطرہ بھی باقی ہے ہم محمدؑ و آل محمدؑ کہ نام پہ قربانیاں دیتے رہیں گے ۔

مجلس کے اختتام پر نوحہ خوانی و پرسہ کے بعد تمام حاضرین کیلئے افطار و نیازِ امام الحسینؑ کا وسیع انتظام کیا گیا۔ مجلس میں خواتین کی بھرپور تعداد نے شرکت کی اور ذکر محمدؑ و آل محمدؑ سے قلوب و اِذہان کو منور فرمایا ۔