امریکی جارحیت اور قبضےکا نتیجہ امریکی فوجیوں کی ذلت آمیزقیدہوگی، خاتم الانبیا ﷺ ہیڈکوارٹرز

تہران (صداۓ سچ نیوز) خاتم الانبیا ﷺ ہیڈکوارٹرز کے ترجمان ابراہیم ذوالفقاری نے کہا ہے کہ امریکی جارحیت اور قبضےکا نتیجہ امریکی فوجیوں کی ذلت آمیزقیدہوگی اورامریکی فوج کاتباہی کے سوا کوئی نتیجہ نہیں نکلےگا۔

ترجمان کے مطابق امریکی کمانڈراورفوجی خلیج فارس کی شارک مچھلیوں کی خوراک بن جائیں گے، ٹرمپ نے متعدد بار ایران کو زمینی کارروائی اورخلیج فارس کےجزائرپرقبضےکی دھمکی دی،ٹرمپ دہشت گردتنظیم موسادکےدباؤ میں آکرنیتن یاہوکےہاتھوں مہرہ بن گئے۔

ابراہیم ذوالفقاری نے کہا ہے کہ ٹرمپ دنیا کے سب سے زیادہ جھوٹ بولنے والے صدر ہیں، ٹرمپ اپنےغیرمستحکم خیالات اوربیانات کی وجہ سے قابل اعتماد نہیں، ٹرمپ اپنےغلط فیصلوں سے امریکی فوج کو موت کی دلدل میں پھینک رہے ہیں، ٹرمپ صبح دھمکی دیتے ہیں اُسی شام پیچھے ہٹ جاتے ہیں۔

ترجمان خاتم الانبیا ہیڈکوارٹرز کا کہنا تھاکہ ٹرمپ مذاکرات کی بات کرتے ہیں اور چند گھنٹوں بعد جنگ جاری رکھنے کا کہہ دیتے ہیں، ٹرمپ امریکا، یورپ اور خصوصاً ایشیائی ممالک کو بڑا نقصان پہنچا چکے، صدر ٹرمپ صرف طاقت کی زبان ہی سمجھتے ہیں۔