پاکستان کی دانشمندی کی بدولت یہودی لابی کے عزائم ناکام ہوگئے، رہنما پاکستان پیپلز پارٹی سید شبر عباس ایڈووکیٹ

گوجرخان (صدائے سچ نیوز) ایران امریکہ جنگ میں سیزفائر پاکستان کا قائدانہ کردار مسلمہ ہے پاکستان کی دانشمندی کی بدولت یہودی لابی کے عزائم ناکام ہوگئے ۔

ان خیالات کا اظہار پاکستان پیپلز پارٹی کے راہنما سید شبر عباس ایڈووکیٹ نے اپنے بیان میں کیا۔ انہوں نے کہا کہ اسرائیل کی جارحیت اور امریکہ کی ہٹ دھرمی کی وجہ سے دنیا تیسری عالمی جنگ کی طرف بڑھ رہی تھی اور مسلم امہ کو آپس میں دست و گریبان کرنے کی سازش کی جارہی تھی۔

پاکستان کی سیاسی اور عسکری قیادت نے اپنا بھرپور اور قائدانہ کردار ادا کر کے دنیا کے امن کو تہہ و بالا ہونے سے بچایا اور مسلم ممالک کو صبر اور برداشت کا مشورہ دیا جس پر مسلم ممالک بالخصوص ایران اور سعودی عرب نے تحمل کا مظاہرہ کرتے ہوئے پاکستان کی ان کوششوں پر مثبت ردعمل دیا۔

سید شبر عباس ایڈووکیٹ نے کہا کہ پاکستان کے بہی خواہوں کو پاکستان کے قائدانہ کردار کی بدولت سخت مایوسی اور ناکامی ہوئی آج پوری دنیا جنرل عاصم منیر صدر آصف علی زرداری وزیراعظم میاں شہباز شریف کی صلاحیتوں کی معترف نظر آرہی ہے جنہوں نے اپنی قوم کے ساتھ ساتھ دنیا کی امنگوں کے مطابق حل نکالا۔

سید شبر عباس ایڈووکیٹ نے کہا کہ پاکستان ایک بار پھر مسلم امہ کے لیڈر کے طور پر سامنے آیا ہےایک بار پھر شہید ذوالفقار علی بھٹو کے نقش قدم پر چلتےہوئے پاکستان کو اسلامی ممالک کو ایک پلیٹ فارم پر اکٹھا کرکے اسلامی سربراہی کانفرنس بلا کر آپس کے اختلافات دور کرنے اور مل جل کر چلنے پر قائل کرنا چاہیئے۔