ایران کا آبنائے ہرمز مکمل کھولنے کا اعلان

تہران (صدائے سچ نیوز) ایران امریکا جنگ میں ایک بڑی پیش رفت سامنے آگئی،ایران نے ایک ماہ سے زائد عرصے کی بندش کے بعد آبنائے ہرمز مکمل کھولنے کا اعلان کر دیا۔

ایرانی وزیرخارجہ عباس عراقچی نے اپنے بیان میں کہا کہ آبنائے ہرمز کو کھول دیاگیا ہے،لبنان میں جنگ بندی کی مناسبت سے آبنائے ہرمز مکمل کھولی جا رہی ہے۔

جنگ بندی معاہدے کی بقیہ مدت تک آبنائے ہرمز مکمل کھول دی گئی ہے،تجارتی جہازوں کو ایران کے مقرر کردہ راستوں کو اختیار کرنا ہوگا۔

دوسری جانب ایران کے آبنائے ہرمز کھولنے کے اعلان کے بعد خام تیل کی قیمتوں میں کمی آگئی ،برینٹ کروڈ کی قیمت 8 فیصد کم ہو کر 91 ڈالر فی بیرل تک پہنچ گئی،اسی طرح امریکی خام تیل کی قیمت کم ہو کر 86 ڈالر فی بیرل تک پہنچ گئی۔