برطانیہ، مستقل آباد کاری کیلئے درخواستگزاروں کی تعداد 16 سال کی بلند ترین سطح پر

مانچسٹر(صداۓ سچ نیوز) برطانیہ میں مستقل آباد کاری کیلئے درخواست دینے والے تارکین وطن کی تعداد 16 سال کی بلند ترین سطح پر پہنچ گئی جبکہ ایسے غیر ملکی مجرمان جنہیں ملک بدر کیا جانا چاہیے تھا ان کی شرح میں بھی مسلسل اضافہ ریکارڈ کیا گیا ہے۔

برطانوی ذرائع ابلاغ کی رپورٹ کے مطابق برطانیہ کی سڑکوں پر غیر ملکی مجرموں کی تعداد جو ملک بدری کے زمرے میں آتے ہیں ایک سال میں 2 ہزار سے تجاوز کر گئی۔

برطانوی وزارت داخلہ کے اعداد و شمار کے مطابق جون 2026 تک 21 ہزار 294 غیرملکی مجرمان کیمونٹی میں آزادانہ زندگی گزار رہے تھے جن کی تعداد ایک سال قبل 19 ہزار 993 تھی۔

2024 میں ملکی بدری کے منتظر غیر ملکی مجرمان کی تعداد 17 ہزار 677 تھی۔ اس اضافے کو لیبرز سنٹینسینگ ایکٹ کے اثرات کا سبب ٹھہرایا جا رہا ہے جس کے تحت جیلوں سے بھیڑ بھاڑ کم کرنے کی کوششوں کے دوران ہزاروں مجرمان کو جلد رہائی دی گئی۔

شیڈو جسٹس سیکریٹری نک ٹموتھی نے کہا ہے کہ کمیونٹی میں رہنے والے غیر ملکی مجرموں کو فوری طور پر ملک بدر کیا جانا چاہیے۔

ان کا کہنا تھا کہ ہم نے متنبہ کیا تھا کہ لیبرز سنٹینسینگ ایکٹ کے سنگین نتائج ہونگے۔

ادھر اعداد و شمار کے مطابق ہوٹلوں سے باہر رہنے والے پناہ گزینوں کی تعداد بھی تقریباً 73 ہزار سے تجاوز کر چکی ہے، انہیں مشترکہ گھر یا سابق فوجی اڈوں وغیرہ پر رکھا گیا ہے۔