روضۂ اطہر معصومۂ سندھ کی تعمیر تکمیل کے قریب

اگھم کوٹ (صداۓ سچ نیوز) زائرین خدمت کمیٹی اگھم کوٹ سندھ کے جاری کردہ اعلامیہ کے مطابق روضۂ اطہر معصومۂ سندھ سیدہ خدیجہ ماہم بنتِ امام موسیٰ کاظم علیہ السلام کے حرمِ اطہر کی تعمیر تیزی سے جاری ہے اور مختلف انتظامی و قانونی مراحل اور رکاوٹوں سے گذرنے کے بعد منصوبہ اب تکمیل کے آخری مراحل کے قریب پہنچ گیا ہے۔

روضۂ اطہر کی تعمیر اور اس سے متعلق اراضی کو محکمہء اوقاف سندھ کی جانب سے اپنی تحویل میں لیئے جانے کی تاریخ کچھ یوں ہے کہ محکمہ اوقاف سندھ نے نوٹیفکیشن نمبر 543 کے تحت 7 اپریل 2021ء کو روضۂ اطہر سمیت اگھم کوٹ کی 74 ایکڑ 24 گھنٹہ اراضی کو زائرین خدمت کمیٹی اگھم کوٹ سندھ کے رہنماؤں مختیار احمد سومرو اور زوار عبدالستار درس کی درخواستوں اور کاوشوں کے نتیجے میں اپنی تحویل میں لیا تھا۔

بعد ازاں روضۂ اطہر کی تعمیر کے منصوبے کو عملی شکل دینے کے لیے زائرین خدمت کمیٹی اگھم کوٹ کے رہنماؤں سید منظر نقوی، زوار عبدالستار درس، مبشر میر اور نیاز حسین لغاری نے محکمہ اوقاف سندھ کے حکام سے مسلسل رابطے، ملاقاتیں اور درخواستیں کیں۔ ان ہی کوششوں کے نتیجے میں اس وقت کے صوبائی سیکریٹری اوقاف سندھ منور علی مہیسر نے سال 2024ء کے آغاز میں حرمِ اطہر کی تعمیر کے منصوبے کی منظوری کے عمل کو آگے بڑھایا اور 28 فروری 2024ء کو روضۂ اطہر کے تعمیراتی منصوبے کا باقاعدہ سنگِ بنیاد رکھا گیا اور حرمِ اطہر کی تعمیر کا آغاز ہوا۔

تاہم تعمیراتی سرگرمیاں شروع ہونے کے کچھ عرصے بعد بعض مقامی افراد کی جانب سے روضۂ اطہر کی تعمیر کے خلاف سندھ ہائی کورٹ سرکٹ بینچ حیدرآباد میں آئینی درخواست CP No. D-756/2024 دائر کردی گئی، جس کے باعث منصوبے کی تعمیر میں قانونی رکاوٹ پیدا ہوئی۔ مقدمے میں فریق بنائے گئے زوار عبدالستار درس اور نیاز حسین لغاری کی جانب سے سپریم کورٹ کے ایڈووکیٹ عبادالحسنین رضاکارانہ طور پر عدالت میں پیش ہوتے رہے اور روضۂ اطہر کی تعمیر سے متعلق مؤقف کو مضبوط انداز میں فاضل عدالت کے سامنے پیش کیا۔

سال 2025ء کے آغاز میں سندھ ہائی کورٹ سرکٹ بینچ حیدرآباد کے دو رکنی بینچ نے فریقین کے دلائل سننے کے بعد دائرکی تعمیر دوبارہ شروع کرنے کی راہ ہموار ہوگئی۔گئی درخواست خارج کرکے روضہء اطہر کی تعمیر شروع کرنے کے احکامات جاری کیئے جس کے بعد روضۂ اطہر کی

عدالتی کارروائی مکمل ہونے کے بعد حرمِ اطہر کے تعمیراتی کام میں تیزی لائی گئی۔ منصوبے کے دوران سامنے آنے والی مختلف انتظامی اور دیگر رکاوٹوں کو بھی مرحلہ وار دور کیا گیا اور تعمیراتی سرگرمیاں مسلسل آگے بڑھ رہی ہیں۔

اب روضۂ اطہر معصومۂ سندھ سیدہ خدیجہ ماہم بنتِ امام موسیٰ کاظم علیہ السلام کے حرمِ اطہر کی تعمیر تکمیل کے آخری مراحل کے قریب پہنچ رہی ہے۔ منصوبے کی تکمیل سے نہ صرف روضۂ اطہر کو ایک باقاعدہ اور شایانِ شان حرم کی شکل ملے گی بلکہ یہاں آنے والے زائرین کے لیے بھی بہتر سہولیات و منظم انتظامات کی فراہمی کی راہ ہموار ہوگی۔