امریکا اورایران کےدرمیان پیغامات کا تبادلہ ہواہے، امریکا مطالبات حد سے زیادہ بڑھے ہوئے ہیں، ڈپٹی ایرانی وزیرخارجہ

تہران (صداۓ سچ نیوز) ڈپٹی ایرانی وزیر خارجہ نے اپنے بیان میں کہا امریکا اور ایران کے درمیان پیغامات کا تبادلہ ہوا، امریکا کے مطالبات حد سے زیادہ بڑھے ہوئے ہیں۔

ڈپٹی ایرانی وزیرخارجہ سعیدخطیب ہم اس نکتےتک نہیں پہنچ سکےجہاں باقاعدہ ملاقات کی طرف بڑھا جا سکے،مذاکرات اس وقت تک شروع نہیں ہوسکتےجب تک ایک مشترکہ فریم ورک پر متفق نہ ہوں۔

یہ بھی پڑھیں: ایران کے ساتھ مذاکرات میں چند دنوں میں اہم پیشرفت متوقع، پاکستان میں مزید بات چیت کے منتظر ہیں، امریکی حکام

ایرانی پاسداران انقلاب نے اپنے بیان میں کہا امریکی صدرٹرمپ کے آبنائے ہرمز سےمتعلق بیانات بےمعنی ہیں،آبنائے ہرمز امریکی جنگ بندی کی خلاف ورزی کے باعث بند رہےگی، آبنائے ہرمز اس وقت تک بند رہے گی جب تک ناکہ بندی ختم نہیں کی جاتی۔

مزیدکہاخلیج فارس اوربحیرہ عمان میں کوئی بھی جہازاپنی جگہ سےحرکت نہ کرے، آبنائے ہرمز کے قریب جانا دشمن کےساتھ تعاون سمجھا جائےگا،اگرغیرملکی جہازوں نے کوئی حرکت کی تو نشانہ بنائیں گے،تمام جہاز پاسدارانِ بحریہ کی سرکاری معلومات پر عمل کریں۔