پاسداران انقلاب امریکی بحریہ کے جہازوں کو تباہ کرنے کیلئے انتظار کر رہی ہے، سربراہ ایرانی عدلیہ

تہران (صداۓ سچ نیوز) ایرانی عدلیہ کے سربراہ غلام حسین محسنی کا کہنا ہے کہ پاسداران انقلاب کی تیز رفتار کشتیاں اور سمندری ڈرونز امریکی بحریہ کے جہازوں کو تباہ کرنے کے لیے انتظار کر رہے ہیں۔

غلام حسین محسنی نے اپنے ایک بیان میں کہاکہ امریکی بحریہ کے جہاز آبنائے ہرمز کے قریب بھی جانے کی جرات نہیں کرتے ۔

اس سے قبل امریکی صدر ڈونلڈ ٹرمپ نے دعویٰ کیا تھا کہ آبنائے ہرمز پر ہمارا مکمل کنٹرول ہے۔ امریکی بحریہ کی اجازت کے بغیر کوئی جہاز داخل یا نکل نہیں سکتا۔

یہ بھی پڑھیں: آبنائے ہرمز میں بارودی سرنگیں بچھانے والی ہر کشتی کو تباہ کر دیا جائے، ڈونلڈ ٹرمپ

ٹرمپ نے کہا کہ آبنائے ہرمز کو مکمل طور پر بند کر دیا گیا ہے، جب تک ایران معاہدہ نہیں کرتا سخت ناکابندی جاری رہےگی۔