سانحہ ترلائی کلاں کا زخمی سرکاری استاد بھی شہید، شہداء کی تعداد میں اضافہ

اسلام أباد (صدائے سچ نیوز) سانحہ مسجد خدیجتہ الکبریٰ کا ایک اور زخمی شہید ہوگیا ہے ۔

گلگت بلتستان کے علاقے خپلو کا رہائشی مسجد خدیجتہ الکبریٰ میں نماز جمعہ کے دوران خودکش حملے کے دوران شدید زخمی ہوکر گزشتہ کئی روز پمز میں زیر علاج تھا۔

تفصیلات کے مطابق خودکش دھماکے سے شہید ساجد حسین کے پھیپھڑے اور گردے بری متاثرہوئے تھے جس کے باعث اس کے کئی آپریشن ہوئے اور اسے پمز اسپتال سے ایڈوانسڈہسپتال منتقل کیاگیا لیکن ان کی حالت مزید بگڑ گئی ۔

یہ بھی پڑھیں: ترلائی امام بارگاہ بم دھماکے میں زخمی ہونیوالے چار بہنوں کے اکلوتے بھائی سید عاکف سبزواری زخموں کی تاب نہ لاتے ہوئے شہید

گزشتہ رات ڈاکٹروں کی سرتوڑ کوشش کے باوجود ان کی حالت مزید بگڑنے کے بعد وینٹی لیٹر پر شفٹ کر دیاگیا۔شہید ساجد حسین گلگت بلتستان حکومت میں سرکاری ٹیچر تھا، اس کی ایک بیٹی اور بیٹا تھا ۔

مزید یہ کہ انہیں جہاز کے ذریعے سکردو منتقل کردیاگیاہے جہاں نماز جمعہ کے بعد ان کی نماز جنازہ اداکی جائے گی، بعد ازاں انہیں ان کے آبائی علاقے خپلو میں سپرد خاک کیاجائے گا ۔