حکومتِ سندھ نااہلیوں کا فوری نوٹس لے کر زائرین کی پریشانیاں دور کرے،عزادار رابطہ کمیٹی حیدرآباد

اگھم کوٹ (صدائے سچ نیوز) درگاہ معصومہء سندھ پر محکمہء اوقاف کے مقرر کردہ مئنیجر کی عدم دلچسپی اور نااہلی کی وجہ سے جملہ انتظامی معاملات درہم برہم ہیں جس کی وجہ سے ملک بھر سے آنے والے زائرین لاتعداد پریشانیوں میں مبتلا رہتے ہیں۔

تفصیلات کے مطابق بی بی پاک کے روضہ اطہر پر نصب علم پاک پر ایک ماہ قبل ایک بھاری بھرکم درخت گر گیا تھا جس کی وجہ سے اب علم پاک شہید ہوجانے کا خدشہ ہے لیکن شکایات کے باوجود محکمہء اوقاف والوں کے کان پر کوئی جُوں تک نہیں رینگ رہی۔

عزادار رابطہ کمیٹی حیدرآباد کی مرکزی مشاورتی کاؤنسل کے ممبران نے سندھ حکومت سے مطالبہ کیا ہے کہ اپنے فرائضِ منصبی میں کوتاہی کے مرتکب نااہل مئنیجر کے خلاف فی الفور سخت محکمانہ کارروائی عمل میں لاکر روضہء اطہر معصومہء سندھ پر انتظامی امور بہتر بناکر ملک بھر سے روزانہ آنے والے ہزاروں زائرین کی پریشانیاں دور کرنے کے لئے فوری اقدامات کیئے جائیں۔