بدعنوانی پر سزا کاٹنے والے میاں خرم رسول سے صدارت کا عہدہ واپس لیا جائے، فیاض شاہ بانی بینظیر فورس

راولپنڈی(صدائے سچ نیوز) پاکستان پیپلز پارٹی کے سینئر رہنماء، اسیر جمہوریت ،بے نظیر فورس کے بانی سید فیاض شاہ نے پیپلز پارٹی کی اعلی قیادت سے اپیل کرتے ہوئے کہا ہے کہ راولپنڈی کو کرپٹ اور بدعنوان عہدیداروں سے بچایا جائے۔ میاں خرم رسول کو ماضی میں بدعنوانی پر سزا ہو چکی ہے۔

پارٹی کے نظریات اور افکار سے ان کا کوئی تعلق نہیں ہے. ان کی تعیناتی سے راولپنڈی میں پارٹی کا گراف نیچے آئے گا۔ سید فیاض شاہ کا کہنا تھا کہ پیپلز پارٹی کے لیے قربانیاں دینے والوں اور نظریاتی کارکنوں پر ان کو مسلط کیا گیا ہے۔

انہوں نے چئیرمین بلاول بھٹو زرداری، آصفہ بھٹو زرداری،گورنر پنجاب سردار سلیم حیدر اور راجہ پرویز اشرف سے اپیل کی ہے کہ ہم نے پارٹی کے لیے بے پناہ قربانیاں دی ہیں اور ہر مشکل وقت میں پارٹی کے ساتھ رہے ہیں۔

انہوں نے مطالبہ کیا کہ اعلی قیادت میاں خرم رسول سے راولپنڈی کی صدارت واپس لے کر پارٹی کے مخلص اور قربانیاں دینے والوں کو صدارت سونپی جائے۔