ایران اسلام آباد مذاکرات سے فائدہ اٹھا کرکشیدگی میں کمی لائے، فرانسیسی صدر کی ایرانی صدر سے گفتگو

پیرس (صداۓ سچ نیوز) فرانسیسی صدر ایمانوئیل میکرون نے ایرانی ہم منصب مسعود پزشکیان سے ٹیلیفونک گفتگو کی اور کہا کہ  ایرانی صدر اسلام آباد مذاکرات سے فائدہ اٹھا کر کشیدگی میں کمی لائیں۔

فرانسیسی صدر کا کہنا تھا کہ  خطےکی سلامتی کے لیے تمام متعلقہ ممالک کی شمولیت اور ٹھوس معاہدہ ضروری ہے، ایران آبنائے ہرمز میں جہاز رانی کی آزادی اور سلامتی فوری بحال کرے۔

فرانسیسی صدر کا کہنا تھا کہ  فرانس آبنائےہرمز میں بحری سکیورٹی کے لیے تعاون فراہم کرنے کو  تیار ہے،  لبنان سمیت تمام محاذوں پر جنگ بندی کی مکمل حمایت کرتے ہیں، لبنان کی تقدیر کا فیصلہ کرنےکا حق صرف وہاں کے جائز حکام کو ہے۔