غزہ معاہدہ اسرائیلی انخلا سے مشروط، حماس نے غیرمسلح ہونے سے انکار کر دیا

غزہ (صداۓ سچ نیوز) غزہ معاہدہ اسرائیلی انخلا سے مشروط، حماس نے غیر مسلح ہونے سے انکار کر دیا۔

حماس کےسینئر رہنما غازی حمد نےکہاکہ اسرائیلی افواج کےغزہ سےمکمل انخلا سے قبل غیرمسلح ہونےکا عمل شروع نہیں کیا جائے گا، ہتھیاروں کامعاملہ اسرائیلی انخلا اورغزہ کی تعمیرِنو سےمنسلک ہے،اسرائیل اپنی ذمہ داریاں پوری کرےگا تو ہی معاہدےپرعمل درآمد ممکن ہوگا۔

انہوں نےکہاکہ اسلحے کےمعاملے میں اسرائیل کا کوئی کردار نہیں ہوگا اورغیرمسلح ہونے کے عمل کی نگرانی ایک قومی کمیٹی کرے گی۔

غازی حمد نےمصر،قطر اورترکیہ کی ثالثی اورسفارتی کوششوں پر اظہارِتشکر کرتےہوئےکہا کہ حماس نے مذاکرات کے دوران فلسطینی عوام کے حقوق کے تحفظ کی بھرپور کوشش کی۔

اس سے قبل امریکی صدرڈونلڈ ٹرمپ نے تصدیق کی کہ حماس اوردیگر فلسطینی گروہوں کے غیر مسلح ہونے سے متعلق معاہدہ طے پا گیا ہے،جس کےتحت اسرائیلی افواج غزہ سے واپس جائیں گی جبکہ غزہ کا انتظام ایک نئی فلسطینی فورس سنبھالے گی۔