صحافیوں پر تشدد کے خلاف کلرکہار پریس کلب کا احتجاجی اجلاس، سیاہ پرچم لہرایا گیا

کلرکہار(نمائندہ صدائےسچ) ملک بھر میں اسلام آباد پولیس کی جانب سے نیشنل پریس کلب میں موجود صحافیوں پر بہیمانہ و ظالمانہ تشدد کے خلاف اور اپنے صحافی بھائیوں کے ساتھ اظہار یکجہتی کیلئے تحصیل پریس کلب کلرکہار میں بھی مذمتی اجلاس منعقد کیا گیا اور احتجاج کیا گیا

تفصیلات کے مطابق تحصیل پریس کلب کلرکہار کے مذمتی اجلاس کی صدارت صدر پریس کلب محمد عثمان اعوان نے کی، اجلاس کی آغاز تلاوت کلام پاک سے کیا گیا جبکہ سیکرٹری جنرل ایم رحمن نے مذمتی قرار داد پیش کی جس کو متفقہ طور پر منظور کرلیا گیا

اجلاس میں حکومت وقت سے نیشنل پریس کلب اسلام آباد میں گزشتہ روز ہونے والے دل خراش واقعے کی شفاف انکوائری کا پرزور مطالبہ کیا گیا اور پرزور مذمت کی گئی، شرکاء اجلاس نے بازوؤں پر سیاہ پٹیاں باندھی ہوئی تھیں اور پریس کلب پر بھی سیاہ پرچم لہرایا گیا

اجلاس میں نائب صدر ملک انوارالحق، نائب صدر عبدالرشید سانول، سیکرٹری فنانس راجہ قمر عباس، ڈپٹی جنرل سیکرٹری ملک محمد عرفان، جوائنٹ سیکرٹری ملک اسرار چلہ، پریس فوٹو گرافر سید معظم عسکری، رابطہ سیکرٹری ملک رفیق انمول و دیگر شامل تھے، اجلاس کے بعد شرکاء نے ہاتھ اٹھا کر بھرپور احتجاج کیا،