پی ڈی ایم اے نے مون سون کا 5 واں اسپیل کے کل سے شروع ہونے کی پیشگوئی کردی

پنجاب ڈیزاسٹر مینجمنٹ اتھارٹی (پی ڈی ایم اے) نے مون سون کے پانچویں اسپیل کے کل سے شروع ہونے کی پیشگوئی کر دی۔

پی ڈی ایم اے کےمطابق بارشوں کا نیا سلسلہ مختلف اضلاع کومتاثر کرےگا،جس کے باعث نشیبی علاقوں میں اربن فلڈنگ،ندی نالوں میں طغیانی اور پہاڑی علاقوں میں لینڈ سلائیڈنگ کا خدشہ ہے۔

لاہور سمیت پنجاب کےمخلتف علاقوں میں کہیں ہلکی تو کہیں تیز بارش سے موسم خوشگوار ہوگیا، سرگودھا، چنیوٹ،ملتان،فیصل آباد سمیت کئی شہروں میں بادل جم کربرسے۔

دوسری جانب خیبرپختونخوا میں مون سون کی جاری بارشوں نےمختلف اضلاع میں تباہی مچا دی،فلیش فلڈ اور گھروں کی چھتیں و دیواریں گرنے کے مختلف واقعات میں 9 افراد جاں بحق اور سات زخمی ہوئے ہیں,جبکہ 103 مکانات کو بھی نقصان پہنچا ہے