صدر ٹرمپ نے ایران پر ابھی تک حملے کا حتمی فیصلہ نہیں کیا، امریکی میڈیا

واشنگٹن (صداۓ سچ نیوز) امریکی میڈیا کا کہنا ہے کہ صدر ٹرمپ نے ایران پر ابھی تک حملے کا حتمی فیصلہ نہیں کیا۔

امریکی میڈیا رپورٹس کے مطابق ایران پر ممکنہ حملے کے معاملے پر امریکی صدر ڈونلڈ ٹرمپ کو اپنے قریبی مشیروں کی جانب سے مختلف آراء موصول ہو رہی ہیں۔

رپورٹس میں کہا گیا کہ صدر ٹرمپ کے متعدد قریبی مشیر انہیں ایران پر بمباری نہ کرنے کا مشورہ دے رہے ہیں اور خبردار کر رہے ہیں کہ کسی بھی فوجی کارروائی کے خطے پر سنگین اثرات مرتب ہو سکتے ہیں، امریکی میڈیا کے مطابق صدر ٹرمپ نے تاحال ایران پر حملے کا کوئی حتمی فیصلہ نہیں کیا۔

دوسری جانب ریپبلکن سینیٹر لنڈسے گراہم نے صدر کو ایران کے خلاف سخت اقدام اٹھانے کی تجویز دی ہے، سینیٹر گراہم کا کہنا ہے کہ ماضی کی جنگوں کے ڈر سے ایران کو کھلی چھوٹ دینا خطرناک ثابت ہو سکتا ہے اور اس سے خطے میں عدم استحکام بڑھ سکتا ہے۔

امریکی میڈیا کے مطابق وائٹ ہاؤس میں ایران سے متعلق پالیسی پر مشاورت جاری ہے اور آئندہ چند دنوں میں صورتحال مزید واضح ہونے کا امکان ہے۔