ایران کے خلاف جنگ پر مجھے کوئی افسوس نہیں، ٹرمپ

امریکی صدر ڈونلڈ ٹرمپ نے کہا ہے کہ ایران کے خلاف جنگ شروع کرنے پر مجھے کوئی افسوس نہیں ہے، اس کے باوجود کہ اس تنازع کے نومبر میں ہونے والے امریکی مڈٹرم انتخابات پر اثرات مرتب ہو سکتے ہیں۔

امریکی میڈیا سے گفتگو کرتے ہوئے امریکی صدر نے کہا کہ میں لفظ افسوس پر یقین نہیں رکھتا، ہم ہمیشہ اپنے فیصلے پر کوئی نہ کوئی سوال اٹھا سکتے ہیں۔

ایک انٹرویو کے دوران ٹرمپ نے کہا کہ اگر مجھے دوبارہ یہی فیصلہ کرنا ہوتا تو میں بالکل وہی کرتا جو میں نے کیا۔

ٹرمپ نے ان قیاس آرائیوں کو بھی مسترد کر دیا کہ ان کے بعض حامی جنگ کے باعث پریشان اور حوصلہ شکن ہو گئے ہیں۔

انہوں نے کہا کہ مجھے نہیں لگتا کہ وہ حوصلہ شکن ہیں، میرے خیال میں انہیں اس بات پر بہت فخر ہے کہ میں ایران کو جوہری ہتھیار حاصل کرنے کی اجازت نہیں دے رہا۔

ٹرمپ نے ایک بار پھر اپنے اس مؤقف کا اعادہ کیا کہ وسطِ مدتی انتخابات کے فوراً بعد جنگ ختم ہو جائے گی۔

انٹرویو میں انہوں نے کہا کہ یہ تنازع انتخابات کے فوراً بعد ختم ہو جائے گا۔