آبنائے ہرمز کے بحری راستے پر ایران اور عمان میں اتفاق، پاکستان اور قطر سے بھی رابطے جاری

تہران (صداۓ سچ نیوز) ایران نے کہا ہے کہ آبنائے ہرمز میں بحری جہازوں کے گزرنے کے راستے کی جغرافیائی حدود سے متعلق عمان کے ساتھ اتفاقِ رائے ہو گیا ہے، جبکہ پاکستان اور قطر کے ساتھ بھی سفارتی مشاورت کا سلسلہ جاری ہے۔

ایران کی وزارت خارجہ کے ترجمان اسماعیل بقائی نے میڈیا بریفنگ میں بتایا کہ ایران اور عمان آبنائے ہرمز میں بحری راستے کی جغرافیائی خصوصیات پر متفق ہو چکے ہیں اور دونوں ممالک مشترکہ اعلامیے کی تیاری کے آخری مرحلے میں ہیں۔

انہوں نے کہا کہ اگر "کسی تیسرے فریق” کی جانب سے مداخلت نہ ہوئی تو جلد اس حوالے سے مشترکہ اعلان جاری کر دیا جائے گا۔

ایک سوال کے جواب میں اسماعیل بقائی نے بتایا کہ ایران اپنے ہم منصبوں کے ساتھ پاکستان اور قطر کے ذریعے مسلسل رابطے اور مشاورت جاری رکھے ہوئے ہے، تاہم فی الحال ایرانی وزیر خارجہ عباس عراقچی یا پارلیمنٹ کے اسپیکر محمد باقر قالیباف کے پاکستان یا قطر کے دورے کا کوئی منصوبہ نہیں ہے۔

ایرانی وزارت خارجہ کے مطابق خطے کی صورتحال اور باہمی دلچسپی کے امور پر سفارتی رابطے بدستور جاری رہیں گے