محسن نقوی کا بیان بے معنی ہے،کوئی سیاق وسباق نہیں، رانا ثناء اللہ

سینیٹر اور وزیراعظم کے مشیر رانا ثناء اللہ نے کہا کہ محسن نقوی کا بیان بے معنی ہے، کوئی سیاق وسباق نہیں، محسن نقوی نے کہا سسٹم تباہ ہو چکا، یہ کس سسٹم کی بات کر رہے ہیں؟ ملک میں پارلیمانی جمہوری نظام ہے،آئین کی وجہ سےفیڈریشن قائم ہے، عدلیہ اور ایگزیکٹو آئین کے مطابق اپنا کردار ادا کریں۔

تفصیلات کے مطابق رانا ثناء اللہ کا کہناتھا کہ محسن نقوی کی انتظامی یونٹس سےمتعلق بات شاید نئے صوبوں سے متعلق ہے، مسائل کے حل کیلئے یونٹس،صوبے اور بااختیار بلدیاتی نظام سے کسی کو انکار نہیں، جو کچھ ہو گا آئین کے تحت ہو گا،اس سے باہر کیسے ہو گا؟ انتظامی یونٹس اسی سسٹم میں بننے ہیں،کیا اس سے باہر نکل کر بننے ہیں؟ ہمارے بزرگوں نے 1973 کا آئین بنایا، ہمارے بزرگ اس نتیجے پر پہنچے کہ ملک کیلئے پارلیمانی جمہوری نظام بہتر ہے۔

انہوں نے کہا کہ صدارتی نظام کی طرف جھکنا ہے تو اس طرف جھک جائیں،رہنا جمہوری نظام نے ہے، ہم ہائبرڈ ماڈل میں نہیں ہیں، سیاسی وعسکری قیادت کا باہمی عزت کیساتھ ملک چلانے کا نتیجہ ہے ہماری دنیا میں عزت ہے، سیاسی وعسکری قیادت کا باہمی عزت کیساتھ ملک چلانے کا نتیجہ ہے کہ معرکہ حق جیتا، ہمارا نام امن دینے والے ممالک میں شامل ہے۔

26ویں اور27ویں ترمیم کی ضرورت تھی، محسن نقوی سے پوچھیں گے کون سا بزنس مین کس کو 50 کروڑ فنڈ دیتاہے، فیلڈمارشل عاصم منیر قوم کے ہیروہیں، فیلڈ مارشل نے قوم کو معرکہ حق کے ذریعے عزت دی، محسن نقوی کی بات سے اتفاق نہیں کرتا، محسن نقوی نے جس تقریب میں بات کی اس میں وارداتیے بیٹھے تھے، تقریب میں بزنس مین بیٹھے تھے،اُن کی عزت کرتا ہوں، محسن نقوی کی گفتگو سے متعلق پارٹی فیصلہ نہ کرتی تو پھر دوسرے انداز سے دیکھا جاتا۔

بحریہ کا منصوبہ نہیں چل رہا،اب ملک ریاض پاکستان آنے کے بھی قابل نہیں، سسٹم تباہ نہیں ہوا، پہلے بھی دہشتگردی پر قابو پایا تھا،اب بھی پائیں گے، میرپور میں 13 سیٹوں پر الیکشن میں 53 فیصدٹرن آؤٹ تھا، آزاد کشمیر میں صاف شفاف الیکشن ہوا،لاکھوں لوگوں نے حصہ لیا، مظفرآباد کی 9 سیٹوں پر الیکشن ہوا،4پر پیپلزپارٹی اور 5 پرن لیگ جیتی، کالعدم ایکشن کمیٹی کا مقصد تھاکہ آزاد کشمیر الیکشن نہیں ہونے دینا، سندور ٹووالوں کا ایجنڈا ہےکہ آزاد کشمیر میں الیکشن نہ ہو، آزاد کشمیر میں الیکشن نہ ہوتے تو مودی کا سندور ٹو کا ایجنڈاکامیاب ہوجاتا۔