مانچسٹر سکول دولتالہ کا شاندار تعلیمی مظاہرہ: میٹرک کے سالانہ نتائج میں سو فیصد کامیابی

لوٹن (نامہ نگار) تعلیمی میدان میں ایک بار پھر کامیابی کا پرچم لہراتے ہوئے مانچسٹر سکول دولتالہ نے میٹرک کے سالانہ امتحانات میں شاندار اور تاریخی کامیابی حاصل کی ہے اور سکول کا نتیجہ سو فیصد (100%) رہا ہے۔

اس شاندار کامیابی پر سکول کے سی ای او خالد پرویز نے انتہائی مسرت کا اظہار کرتے ہوئے طلباء، والدین اور قابل اساتذہ کو مبارکباد پیش کی ہے۔

سی ای او خالد پرویز نے اپنے پیغام میں کہا کہ یہ تاریخی کامیابی طلباء کی محنت، والدین کی دعاؤں اور اساتذہ کی مخلصانہ وابستگی کا ثبوت ہے، اور مانچسٹر سکول دولتالہ معیاری تعلیم کے فروغ کے لیے ہمیشہ پرعزم رہے گا۔

علاقہ معززین نے بھی اس شاندار کارکردگی پر خالد پرویز اور تدریسی ٹیم کو زبردست خراج تحسین پیش کیا ہے۔