ملک تراب حسنین کا ایم فل مقالہ مکمل، تلہ گنگ کے سرکاری سکولوں میں اسٹاف کی کمی اور ورک پلیس اسٹریس پر تحقیق

تلہ گنگ (صداۓ سچ نیوز) ملک تراب حسنین کا ایم فل مقالہ مکمل، تلہ گنگ کے سرکاری سکولوں میں اسٹاف کی کمی اور ورک پلیس اسٹریس کے اثرات پر تحقیق تلہ گنگ ڈسٹرکٹ ایجوکیشن اتھارٹی تلہ گنگ کے لیٹیگیشن آفیسر ملک تراب حسنین نے شعبۂ تعلیم میں ماسٹر آف فلاسفی (M.Phil Education) کی ڈگری کے لیے اپنا تحقیقی مقالہ مکمل کر لیا۔

ملک تراب حسنین اس وقت بطور معلم گورنمنٹ ہائی سکول مورت میں اپنے فرائض سرانجام دے رہے ہیں،معروف قانون دان وسیم عباس ایڈووکیٹ ہائیکورٹ کے بھائی اور پیڑھ جانگلہ کی معروف سیاسی و سماجی شخصیت ڈاکٹر غلام حسنین کے چھوٹے صاحبزادے ہیں جبکہ محکمہ تعلیم کے ضلعی تعلیمی نظام میں قانونی معاملات کو مؤثر انداز میں نمٹانے کے لیے لیٹیگیشن آفیسر کے اضافی فرائض بھی انجام دے رہے ہیں۔

ان کے تحقیقی مقالے کا عنوان “Impact of Staff Shortage and Workplace Stress of District Talagang Public School on Employee Satisfaction and Productivity” ہے، جس میں ضلع تلہ گنگ کے سرکاری سکولوں میں اساتذہ و عملے کی کمی اور کام کی جگہ پر ذہنی دباؤ کے ملازمین کے اطمینانِ ملازمت اور پیداواری صلاحیت پر اثرات کا تحقیقی جائزہ لیا گیا ہے۔

یہ تحقیقی کاوش MY University, Islamabad کے Department of Education، Faculty of Social Sciences and Humanities کے تحت مکمل کی گئی ہےملک تراب حسنین کی یہ کامیابی اس لحاظ سے بھی قابلِ ذکر ہے کہ انہوں نے تدریسی ذمہ داریوں کے ساتھ ساتھ محکمہ تعلیم کے قانونی معاملات سے متعلق اضافی ذمہ داریاں نبھاتے ہوئے اعلیٰ تعلیم اور تحقیق کا سفر جاری رکھا۔تعلیمی و انتظامی شعبے سے وابستہ شخصیات نے ملک تراب حسنین کو ایم فل تحقیق مکمل کرنے پر مبارک باد پیش کرتے ہوئے ان کے لیے مزید کامیابیوں اور علمی سفر میں ترقی کی دعا کی ہے۔