نیشنل بینک کا ایک اورکارنامہ،5093 ملین روپے کی ڈیفالٹرکمپنی ماسٹرٹائیلز کو6074 ملین روپے کا مزید قرضہ جاری

اسلام آباد(صدائے سچ انویسٹی گیشن سیل)نیشنل بینک انتظامیہ کا ایک اور کارنامہ 5093ملین روپے کی ڈیفالٹر کمپنی کو6074ملین روپے کا قرضہ جاری کردیا ہے۔ جس سے بینک کی رسک مینجمنٹ ڈیپارٹمنٹ اور بینک کے اعلی افسران کی شفافیت کے دعوں کی قلعی کھل کر سامنے آگئی ہے ۔

نیشنل بینک کے ریکارڈ کی چھان بین نے بینک کی اندرونی کمزوریوں سے پردہ اٹھادیا اس ضمن میں سرکاری دستاویزات میں انکشاف کیا گیا ہے کہ ماسٹر ٹائیلز نامی کمپنی نے نیشنل بینک سے مختلف کیٹیگریز میں اربوں کا قرضہ حاصل کیا اور طے شدہ وقت میں ادائیگی میں بری ناکام رہی اور نتیجتاً 2021 میں 5093ملین روپے کا ڈیفالٹ کرگئی۔

جس کے باوجود نیشنل بینک انتظامیہ نے مذکورہ قرضہ کی ریکوری کی بجائے ماسٹر ٹائیلز کومزید 6074ملین روپے کا قرضہ جاری کردیا ۔ اس سیکنڈل میں نیشنل بینک کے اعلی افسران کے ملوث ہونے کے شواہد ملے ہیں۔

اس حوالے سے نیشنل بینک انتظامیہ سے موقف حاصل کرنے کی کوشش کی گئی ہے لیکن کسی متعلقہ افسر کی طرف سے جواب موصول نہیں ہوا۔ تاہم نیشنل بینک انتظامیہ اس حوالے سے جو بھی موقف دینا چاہیے روزنامہ صدائے سچ میں من و عن شائع کیا جائے گا ۔