ایران نے خودکش ڈرونز کی پیداوار میں 10 گنا اضافہ کر دیا ہے، ایرانی فوج

تہران (صداۓ سچ نیوز) ایرانی مسلح افواج کے نائب چیف آف اسٹاف بریگیڈیئر جنرل علی رضا شیخ نے کہا ہے کہ گزشتہ برس جون میں ہونے والی امریکا-اسرائیل جنگ کے بعد 7 ماہ کے دوران ایران نے حملہ آور ڈرونز کی پیداوار میں 10 گنا اضافہ کر دیا ہے۔

ایک ٹی وی انٹرویو میں انہوں نے کہا کہ ماضی کے تجربات سے سیکھتے ہوئے ایرانی مسلح افواج مستقبل میں کسی بھی ممکنہ صورتحال سے نمٹنے کے لیے مکمل طور پر تیار ہیں۔

یہ بھی پڑھیں:  آسٹریلیا کی سب سے بڑی آئل ریفائنری میں آگ پر 12 گھنٹے بعد قابو پالیا گیا

بریگیڈیئر جنرل علی رضا شیخ نے مزید کہا کہ جون 2025 کی 12 روزہ جنگ سے حاصل ہونے والے سبق کے نتیجے میں ایران کی دفاعی صلاحیتوں میں اضافہ ہوا ہے جس کے باعث ایران دشمن کے عزائم ناکام بنانے اور مؤثر جواب دینے کی بھرپور صلاحیت رکھتا ہے۔