تہران جہازوں کی آمد و رفت پر کوئی فیس عائد نہیں کرے گا،صرف ایرانی حکام سے پیشگی اجازت درکار ہوگی، ابراہیم رضائی

تہران (صداۓ سچ نیوز) ایران کی قومی سلامتی کمیٹی کے ترجمان ابراہیم رضائی نےکہاہےکہ تہران جہازوں کی آمد و رفت پر کوئی فیس عائد نہیں کرے گا،امریکا اوراسرائیل کے جنگی جہازوں کو آبنائے سے گزرنےکی اجازت نہیں ہوگی۔

ایران کی قومی سلامتی کمیٹی کےترجمان ابراہیم رضائی نےالجزیرہ سےگفتگومیں کہاتہران جہازوں کی آمدورفت پرکوئی فیس عائدنہیں کرےگا،گزرگاہ سےآمد ورفت ایرانی حکام سےپیشگی اجازت کے بعد ممکن ہوگی۔

یہ بھی پڑھیں:  فیلڈ مارشل عاصم منیر کا دورہ ایران اختتام پذیر، علاقائی امن اور مذاکرات پر زور

ابراہیم رضائی نےکہا دوست ممالک کےجہازایرانی افواج کےساتھ رابطےکےبعد گزرسکیں گے،آبنائے کے انتظام یا سلامتی میں امریکا کا کوئی کردارنہیں ہوگا،ایرانی پارلیمان آبنائے کی سلامتی سے متعلق مسودہ تیار کررہی ہے۔

یہ بھی پڑھیں: ملکی تاریخ میں پہلی بار پاور سیکٹر کے ملازمین کو بجلی کے مفت یونٹس کی سہولت ختم کر دی گئی

ٹریکنگ ڈیٹا کےمطابق ایران جنگ کےآغاز کےبعد پہلی کروزشپ نے آبنائےہرمزعبورکرلی،سیلیسٹیل ڈسکوری نامی کروزجہازمسافروں کے بغیر سفرکررہاتھا،لیگژری جہاز 47 دن تک دبئی کی بندرگاہ پر لنگرانداز رہا۔