فیلڈ مارشل عاصم منیر کا دورہ ایران اختتام پذیر، علاقائی امن اور مذاکرات پر زور

تہران (صداۓ سچ نیوز) فیلڈ مارشل عاصم منیر،وزیر داخلہ محسن نقوی  کا ایران کا 3 روزہ سرکاری دورہ مکمل،مکالمے اور کشیدگی میں کمی پر زور دیا۔

پاک فوج کے شعبہ تعلقات آئی ایس پی آر کےمطابق فیلڈ مارشل عاصم منیر نے دورے کے دوران فیلڈ مارشل نے ایران کےصدرڈاکٹر مسعود پیزشکیان سےملاقات کی،اس کے علاوہ ایرانی پارلیمنٹ کے اسپیکر اوروزیرخارجہ سےبھی الگ الگ ملاقاتیں کیں،خاتم الانبیاء ہیڈکوارٹرز کےکمانڈرمیجر جنرل علی عبداللہی سےبھی ملاقات کی۔

آئی ایس پی آر کےمطابق ملاقاتوں میں خطےمیں پائیدار امن اور سیکیورٹی صورتحال پرگفتگو کی گئی،جاری سفارتی کوششوں اور علاقائی استحکام پر غور کیا گیا،فیلڈ مارشل عاصم منیر نے  مکالمے اور کشیدگی میں کمی پر زور دیا۔

یہ بھی پڑھیں: جنگ بندی کی خلاف ورزی ہوئی تو آبنائے ہرمز دوبارہ بند کردیں گے: ایران کا دوٹوک پیغام

آئی ایس پی آر کےمطابق فیلڈ مارشل نے ایرانی قیادت اور عوام کی جانب سے پرتپاک میزبانی پر شکریہ ادا کیا، سید عاصم منیر نےصدرِ پاکستان، وزیرِاعظم اور پاکستانی عوام کی جانب سے نیک تمنائیں ایرانی قیادت تک پہنچائیں،فیلڈ مارشل نے پاکستان اور ایران کے برادرانہ تعلقات مزید مضبوط بنانے کے عزم کا اعادہ کیا۔

 آئی ایس پی آر کےمطابق دورہ مشرق وسطیٰ کے تنازع کو مذاکرات کے ذریعے حل کرنےکی کوششوں کا عکاس ہے،خطےمیں امن، استحکام اور خوشحالی کو فروغ دینےکیلئے پاکستان کےعزم کی عکاسی بھی کرتا ہے۔