وفاقی تعلیمی اداروں میں داخلے کا آن لائن سسٹم شروع

اسلام آباد (صداۓ سچ نیوز)  وفاقی سرکاری تعلیمی اداروں میں داخلوں کےلیے آن لائن سسٹم شروع کردیا گیا۔

وفاقی نظامت تعلیمات نے تعلیمی سال 27-2026ء کےلیے آن لائن داخلہ پورٹل فعال کردیا ہے۔

اعلامیے کے مطابق وفاقی نظامت تعلیم نےعوامی آگہی کےلیے تفصیلات جاری کردی ہیں، ایف ڈی ای کے زیر انتظام اداروں میں داخلوں کےلیے پورٹل عوامی رسائی کےلیے کھول دیا گیا۔

اعلامیے کے مطابق طلبہ اور والدین گھر بیٹھے داخلے سے متعلق مکمل معلومات حاصل کرسکیں گے، مطلوبہ تعلیمی اداروں میں نشستوں کی دستیابی کی فوری معلومات پورٹل پر دستیاب ہوں گی۔

یہ بھی پڑھیں: وزیراعظم شہباز شریف کا آئندہ ماہ دورہ چین کا فیصلہ

اعلامیے کے مطابق مختلف جماعتوں اور اسکولوں کی میرٹ لسٹ تک آسان رسائی ممکن ہوسکے گی۔

اعلامیے کے مطابق ٹرانسپورٹ، کھانے اور ای سی ای مراکز کی بنیاد پر اداروں کا انتخاب آسان ہوسکے گا، صبح و شام کی شفٹوں اور میٹرک ٹیک پروگرامز کی معلومات بھی دستیاب ہوں گی۔