ترلائی امام بارگاہ بم دھماکے میں زخمی ہونیوالے چار بہنوں کے اکلوتے بھائی سید عاکف سبزواری زخموں کی تاب نہ لاتے ہوئے شہید

اسلام آباد (صدائے سچ نیوز) اسلام آباد ترلائی امام بارگاہ بم دھماکے میں زخمی ہونے والا سید عاکف سبزواری زخموں کی تاب نہ لاتے ہوئے شہید ہوگیاہے ۔

تفصیلات کے مطابق یہ زخمی مسلسل انتہائی نگہداشت یونٹ میں زیر علاج تھا لیکن شدید زخمی ہونے کے باعث اس کی صحت بحال نہ ہوسکی اور مسلسل وینٹی لیٹر پر رہا ۔مرحوم چار بہنوں کا اکلوتا بھائی تھا ۔

یہ بھی پڑھیں: سانحہ ترلائی وزیراعظم امدادی پیکیج : لواحقین میں پچاس، پچاس لاکھ روپے کے چیک تقسیم

سید عاکف سبزواری کا تعلق مری کے علاقے بھمروٹ سیداں سے ہے۔ سید عاکف سبزواری کے دادا سید جمیل سبزواری بھی بم دھماکے میں شہید ہو گئے تھے ۔

شہید کی نماز جنازہ بروز جمعرات 19 فروری صبح 09 بجے جامعہ الصادق، اسلام آباد میں ادا کی جائے گی۔