سانحہ ترلائی وزیراعظم امدادی پیکیج : لواحقین میں پچاس، پچاس لاکھ روپے کے چیک تقسیم

اسلام آباد (صدائے سچ نیوز) وزیراعظم پاکستان میاں محمد شہباز شریف کی طرف سے سانحہ ترلائی کلاں کے شہداء کے لواحقین اور زخمیوں کی بحالی کیلئے امدادی پیکیج پر عملدرآمد کا اغاز کردیا گیا ہے۔

وزیراعظم یوتھ پروگرام کے فوکل پرسن سید ذیشان علی نقوی نے اسٹنٹ کمشنر یاسر نذیر کے ہمراہ اتوار کے روز سانحہ ترلائی کے شہداء کے گھر گھر جاکر لواحقین میں پچاس پچاس لاکھ روپے کے چیک تقسیم کیے ہیں۔

وزیراعظم یوتھ پروگرام کے فوکل پرسن سید ذیشان علی نقوی نے گھر گھر جاکر پچاس پچاس لاکھ روپے کے چیک تقسیم کیے

اس موقع پر انھوں نے شہداء کے بلندی درجات کیلئے فاتحہ خوانی کی اور لواحقین سے اظہار تعزیت کیا۔ ذرائع کے مطابق آئندہ ہفتے کے دوران تمام شہداء کے لواحقین اور زخمیوں میں امدادی چیک تقسیم کرنے کا عمل مکمل کرلیا جائے گا۔

یاد رہے کہ وزیراعظم پاکستان میاں محمد شہباز شریف نے شہداء کے لواحقین کیلیے پچاس لاکھ، شدید زخمیوں کیلئے 30لاکھ اور معمولی زخمیوں کے لیے 10لاکھ روپے امداد کا اعلان کیا تھا۔

شہداء کے لواحقین اور سانحہ ترلائی کلاں سے متاثرہ خاندانوں نے وزیراعظم پاکستان میاں محمد شہباز شریف ، وزیر داخلہ سید محسن نقوی اوروفاقی حکومت کا شکریہ ادا کیا ہے۔