فیلڈ مارشل عاصم منیر پیر کو تہران کا دورہ کریں گے، ایرانی وزارت خارجہ

تہران (صداۓ سچ نیوز) ایرانی وزارت خارجہ کے ترجمان اسماعیل بقائی نے کہا ہے کہ فیلڈ مارشل عاصم منیر پیر کو تہران کا دورہ کریں گے، دورے کے دوران اہم ملاقاتیں ہوں گی۔

ایرانی وزارت خارجہ کے ترجمان اسماعیل بقائی نےکہا فیلڈمارشل عاصم منیر کے دورے کا مقصد پاکستان اور ایران کے درمیان دوطرفہ تعاون کو مزید مضبوط بنانا ہے۔

ترجمان ایرانی وزارت خارجہ نے کہا کہ فیلڈ مارشل عاصم منیر کا دورہ خطے میں امن و سلامتی کے فروغ کے لیے پاکستان کی کوششوں کا تسلسل ہے،دورے کے دوران باہمی دلچسپی کے امور اور دوطرفہ تعاون کے فروغ پر تبادلہ خیال کیا جائے گا۔

دوسری جانب ایرانی صدر مسعود پزشکیان نےتقریب سےخطاب میں کہا ایران اس وقت بھی حالت جنگ میں ہے،ملک مکمل معاشی، فوجی اور سیکیورٹی جنگ کا سامنا کر رہا ہے،ہم امریکا کی سخت پابندیوں کے سامنےثابت قدم ہیں،ایران غیرمساوی جنگ کامقابلہ کرنےکی کوشش کررہا ہے۔

مزید کہا امریکا نےایران کو وینزویلا بنانےکی کوشش کی مگر وہ ناکام رہا،دشمن چاہتاتھاکہ ایران تباہ ہوجائے لیکن ایسا نہیں ہوسکا،ایران مضبوط اتحاد سےدنیا کوحیران کرنے والی طاقت بن کر ابھرا،امید ہےعوام کو درپیش مشکلات پر جلد قابو پالیں گے۔