ہم نے وعدہ پورا کر دیا، آئینی عدالت بن چکی ہے، وزیر قانون

اسلام آباد (صدائے سچ نیوز) وزیر قانون اعظم نذیر تارڑ نے کہا ہے کہ ہم نے وعدہ پورا کر دیااور آئینی عدالت بن چکی ہے۔

اسپیکر ایاز صادق کی زیرصدارت قومی اسمبلی کا اجلاس ہوا۔ وزیر اعظم شہباز شریف بھی قومی اسمبلی اجلاس میں شریک تھے۔ اس موقع پر وزیر قانون اعظم نذیر تارڑ نے اظہار خیال کرتے ہوئے کہا کہ اسلام آباد پولیس کے جوانوں نے دہشت گرد کو بہادری سے روکا۔

انہوں نے کہا کہ کچہری دھماکے میں جاں بحق افراد کے لواحقین کے دکھ میں برابر کے شریک ہیں۔ اور اسلام آباد پولیس کی بہادری کی وجہ سے زیادہ انسانی جانوں کو نقصان نہیں ہوا۔

اعظم نذیر تارڑ نے کہا کہ وزیر اعظم کی ہدایت پر زخمیوں کی عیادت کے لیے فوری طور پر اسپتال پہنچے۔ دہشت گردوں کا کوئی مذہب نہیں ہوتا۔

یہ بھی پڑھیں: سپریم کورٹ کے جج جسٹس سید منصور علی شاہ ، جسٹس اطہر من اللہ نے استعفیٰ دے دیا

انہوں نے کہا کہ صدر مملکت آصف علی زرداری نے 27ویں آئینی ترمیم کے بل پر دستخط کر دیئے ہیں۔ اور صدر کے دستخط کے بعد اب بل آئین کا حصہ بن چکا ہے۔ ہم نے وعدہ پورا کر دیا اور آئینی عدالت بن چکی ہے۔