پابندی کے باوجود ملک میں دوبارہ قابلِ استعمال سرنجز کی فروخت جاری

پشاور (صداۓ سچ نیوز) پابندی کے باوجود ملک میں دوبارہ قابلِ استعمال سرنجز کی فروخت جاری ہے جبکہ جعلی سرنجز بھی مارکیٹ میں موجود ہیں جن کا ایک سے زائد بار استعمال ممکن ہے۔

دی نیوز میں شائع ہونے والی رپورٹ کے مطابق پیکنگ پر آٹو ڈس ایبل لکھ کر اندر دوبارہ قابلِ استعمال سرنجز فروخت کی جا رہی ہیں۔

دی نیوز نے پشاور، ملتان اور جیکب آباد سمیت مختلف شہروں سے دوبارہ قابلِ استعمال سرنجز حاصل کر لی ہیں۔

علاوہ ازیں خیبر پختون خوا کے گدون امازئی انڈسٹریل زون میں زیادہ تر قابلِ استعمال سرنجز کی تیاری اور ترسیل کا انکشاف ہوا ہے۔

یہ بھی پڑھیں: عالمی بینک نے تیل کی عالمی قیمتیں 2022 کے بعد بلند ترین سطح پر جانے کا خدشہ ظاہر کردیا

ذرائع کے مطابق اتائی 50 اور 100 روپے میں انجکشن لگانے کے لیے ایک ہی سرنج بار بار استعمال کرتے ہیں۔

ماہرین کے مطابق جعلی سرنجز کا استعمال بھی انفیکشن کنٹرول نظام کو غیر مؤثر بنا رہا ہے۔

ڈریپ کا کہنا ہے کہ پابندی کے باوجود سرنجز کی فروخت پر ایکشن لیں گے۔