حکومت کا اے آئی میں 1 ارب ڈالرسرمایہ کاری منصوبے پرعملدرآمد شروع کرنے کا فیصلہ، ذرائع

اسلام آباد (صداۓ سچ نیوز) وفاقی حکومت نے آرٹیفیشل انٹیلی جنس میں ایک ارب ڈالرسرمایہ کاری منصوبے پر عملدرآمد شروع کرنے کا فیصلہ کر لیا  ہے۔

یہ بھی پڑھیں: ایران امریکا ثالثی میں اہم پیشرفت،وزیراعظم شہبازشریف کا ولی عہد کی دعوت پرسعودی عرب جانے کا امکان

ذرائع کے مطابق1 ارب ڈالر کی  سرمایہ کاری 2030 تک مرحلہ وار کی جائے گی ، منصوبے کا مقصد اے آئی کے جدید نظام تک سستی رسائی فراہم کرنا ہے، وزارت آئی ٹی، اے آئی کیلئے بنیادی انفرا اسٹرکچر ڈیویلپمنٹ منصوبہ شروع کرےگی،اگنائٹ نیشنل ٹیکنالوجی فنڈ کے ذریعے اے آئی انفرا اسٹرکچرکا منصوبہ شروع کیا جائےگا،اے آئی کی ترقی کیلئے جدید کمپیوٹنگ پاور اور جی پی یوز فراہم کیے جائیں گے۔

یہ بھی پڑھیں:امن کے پیغام کو بیان کرنے سے جھکوں گا نہیں، پوپ لیو صدر ٹرمپ بیان پر ردعمل

ذرائع کا کہناتھا کہ سرکاری اور پرائیویٹ شعبے کو کمپیوٹنگ پاور،گرافکس پروسینگ یونٹس فراہم کیے جائیں گے،اے آئی کی تحقیق اور ترقی کے لیے صنعتوں کو وسائل فراہم کیے جائیں گے، جی پی یوز کی فراہمی مصنوعی ذہانت، ڈیٹا جائزے،مشین لرننگ میں مدد گارہوں گے،پاکستانی حکومت کےیہ اقدام ملک کی عالمی ٹیکنالوجی،مسابقتی پوزیشن مزید مستحکم کریں گے،پاکستان میں اے آئی کے لیے سرمایہ کاری سے کاروباروں اور محققین کو فائدہ ہو گا، اے آئی میں سرمایہ کاری کے نتیجے میں پاکستان میں نئی ٹیکنالوجی کی راہ ہموار ہوگی۔