ایران نے امریکا کے ساتھ براہِ راست مذاکرات کی تردیدکردی

تہران (صداۓ سچ نیوز) ایران نے امریکا کے ساتھ براہِ راست مذاکرات کی تردیدکردی۔

خبر ایجنسی کے مطابق ترجمان ایرانی وزارت خارجہ اسماعیل بقائی نے اپنے بیان میں کہا کہ امریکا کے ساتھ کوئی براہِ راست بات چیت نہیں ہوئی، پیغامات ثالثوں کے ذریعے پہنچائے گئے۔

اسماعیل بقائی کا کہنا تھا کہ ایران کو بھیجی گئی تجاویز زیادہ ترغیر حقیقت پسندانہ، غیر معقول اور حد سے زیادہ تھیں۔

انہوں نے مزید کہا خوش آئند ہے کہ علاقائی ممالک امن کی کوشش کر رہے ہیں تاہم صورتحال کو حقیقت پسندانہ انداز میں دیکھنا ضروری ہے۔

ترجمان کا کہنا تھا کہ یوکرین تنازع کو امریکا اسرائیل کی ایران کے خلاف جنگ سے جوڑنا تباہ کن غلط فہمی ہے۔