دشمن کی غیر مشروط ہتھیار ڈالوانے کی امید پوری نہ ہوسکی، ایران فاتح بن کر ابھرا ہے، عباس عراقچی

تہران (صداۓ سچ نیوز) تہران میں تقریب سے خطاب کرتے ہوئے ایرانی وزیر خارجہ عباس عراقچی نے کہا کہ ایران نے بھرپور طاقت کے ساتھ جنگ لڑی اور اسی قوت کے ساتھ مذاکرات کیے۔

ایرانی وزیر خارجہ نے کہا کہ دشمن کی ایران سے غیر مشروط ہتھیار ڈالوانے کی امید پوری نہ ہوسکی، جنگ مسلط کرنے والوں کو جلد ہی مذاکرات کے لیے منت سماجت کرنی پڑی ہے۔

عباس عراقچی نے کہا کہ ایرانی قوم نے دنیا کی بظاہر سب سے بڑی فوج کا مقابلہ کیا، ایران نے سفارت کاری میں کامیابی حاصل کی اور فاتح بن کر ابھرا، طاقت سے حاصل کی جانے والی کامیابیاں سفارت کاری کے ذریعے مضبوط ہوتی ہیں۔