ایران کی جوہری صلاحیت برقرار ہے، امریکا میزائل صلاحیتوں کو تباہ کرنے میں ناکام رہا، احمد خاتمی

تہران (صداۓ سچ نیوز) ایرانی  مجلس خبرگان رہبری کے رکن احمد خاتمی نے کہا ہے کہ امریکا ایران کی میزائل صلاحیتوں کو تباہ کرنے میں ناکام رہا ہے اور ایران کی جوہری صلاحیت بھی برقرار ہے۔

 ایرانی سرکاری ٹی وی سے گفتگو کرتے ہوئے خاتمی نے کہا کہ دشمن ایران کو پتھر کے دور میں واپس لے جانا چاہتا تھا لیکن امریکا اپنے اقدامات کے ذریعے خود ماضی کے دور کی طرزِ عمل کا مظاہرہ کر رہا ہے۔

انہوں نے دعویٰ کیا کہ ایران کی میزائل صلاحیتیں اب بھی موجود ہیں اور یہ صورتحال امریکا کے لیے باعث ذلت بنی ہوئی ہے۔

خاتمی نے مزید کہاکہ ایران کی جوہری صلاحیت بھی برقرار ہے کیونکہ جوہری طاقت ملک کے سائنس دانوں اور جوہری علم سے تعلق رکھتی ہے۔