سعودی عرب پر حملوں میں عراق کی سرزمین استعمال کرنےکا کوئی ثبوت موجود نہیں، ترجمان عراقی فوج

بغداد (صداۓ سچ نیوز) عراقی مسلح افواج کے کمانڈر ان چیف کے ترجمان بریگیڈیئر جنرل صباح النعمان نےکہا ہے کہ اس بات کا کوئی ثبوت موجود نہیں کہ حالیہ علاقائی حملے عراق کی سرزمین سے کیےگئے ہوں۔

عراقی حکومت نہ تو ملک کے اندر کسی فرد یا گروہ کو اپنی طرف سے کارروائی کرنے کی اجازت دے گی، اور نہ ہی بیرونی سرحدوں سے ہونے والی کسی خلاف ورزی کو قبول کرے گی۔

ترجمان کا کہنا تھا کہ پاپولر موبلائزیشن فورسز (پی ایم ایف) عراق کے قومی دفاعی نظام کا ایک لازمی حصہ ہے، سکیورٹی ادارے اس وقت ایک جامع سکیورٹی منصوبہ تیار کر رہے ہیں تاکہ مستقبل میں ایسے حملوں کو روکا جاسکے اور عراق کی مکمل خودمختاری کا تحفظ یقینی بنایا جاسکے۔