جنوبی لبنان پر اسرائیلی حملے جاری، نبطیہ اور صور میں شدید بمباری

نبطیہ (صدائے سچ نیوز) جنوبی لبنان کے مختلف علاقوں میں اسرائیلی حملے جاری ہیں جہاں نبطیہ شہر اور اس کے گرد و نواح کو مسلسل فضائی حملوں اور ڈرون حملوں کا نشانہ بنایا جا رہا ہے۔

عرب میڈیا کے مطابق نبطیہ ضلع کے وسیع علاقے میں واقع قصبوں حروف اور کفر صیر کو بھی ڈرون حملوں کا نشانہ بنایا گیا۔

دوسری جانب لبنان کے بحیرہ روم کے ساحل کے ساتھ واقع ضلع صور میں بھی اسرائیلی کارروائیاں جاری رہیں جہاں قصبہ الحنیہ پر حملہ کیا گیا جبکہ قلیلہ پر دو فضائی حملے کیے گئے۔

یہ تازہ حملے ایسے وقت میں سامنے آئے ہیں جب اسرائیل جنوبی لبنان میں اپنی کارروائیاں جاری رکھے ہوئے ہے۔