کراچی، اورنگی ٹاؤن میں سکول کی دیوار گرنے سے 5 افراد جاں بحق

کراچی (صداۓ سچ نیوز) کراچی کے علاقے اورنگی ٹاؤن میں بلدیہ سکول کی دیوار گرنے سے 5 افراد جاں بحق جبکہ 2 زخمی ہوگئے۔

ریسکیو حکام کے مطابق جاں بحق افراد میں شاہ زیب، معین سلطان اور 3 نامعلوم افراد شامل ہیں۔

ریسکیو حکام کا کہنا ہے کہ دیوار کے ساتھ بیٹھے افراد مبینہ طور پر نشہ کررہے تھے کہ اچانک کمزور دیوار ان پر گر گئی۔

حادثے میں متعدد افراد زخمی ہوئے جنہیں فوری طور پر عباسی اسپتال منتقل کیا گیا، جہاں مزید 2 زخمی دورانِ علاج دم توڑ گئے، جس کے بعد جاں بحق افراد کی تعداد 5 ہوگئی۔

ریسکیو حکام کے مطابق زخمیوں میں 26 سالہ قاسم اور 50 سالہ نوشاد شامل ہیں۔

حکام کے مطابق جاں بحق ہونے والے افراد نشے کے عادی تھے، تاہم واقعے کی مزید تحقیقات جاری ہیں۔