مشرقِ وسطیٰ میں کشیدگی کا الرٹ، سربیا اور سویڈن نے اپنے شہریوں کو ایران چھوڑنے کا حکم دے دیا

بلغراد (صداۓ سچ نیوز) سربیا اور سویڈن نے اپنے شہریوں کو فوری ایران چھوڑنے کا حکم دے دیا ہے۔

خبر ایجنسی کے مطابق سربیا نے ایران میں مقیم اپنے شہریوں کیلئے ہنگامی ٹریول ایڈوائزری جاری کر دی ہے۔

سربین وزارت خارجہ کا کہنا ہے کہ سربین شہری جلد از جلد ایران سے نکل جائیں، خطے کے حالات کسی بھی وقت بگڑ سکتے ہیں۔

سربین وزارت خارجہ نے کہا کہ شہریوں کی حفاظت اسی میں ہے کہ وہ ایران میں اپنا قیام ختم کرکے محفوظ مقامات پر منتقل ہو جائیں۔

سویڈن نے بھی اپنے شہریوں کو فوری طور پر ایران چھوڑنے کی ہدایت کر دی ہے، سویڈش وزیر خارجہ نے کہا کہ ایران اور خطے کی صورتحال غیر یقینی ہے۔

انہوں نے کہا کہ ہمارے شہری موقع ملتے ہی ایران چھوڑ دیں، ان کا کہنا تھا کہ ایران میں رہنے کا فیصلہ کرنے والے اپنی حفاظت کے ذمہ دار ہوں گے۔