نینسی میس کی ایران میں امریکی فوج بھیجنے کی مخالفت، ایران کو دوسرا عراق نہیں بننے دیں گے

واشنگٹن (صداۓ سچ نیوز) امریکی ریپبلکن رکن نینسی میس نے ایران میں زمینی فوج بھیجنے کی شدید مخالفت کر دی۔

امریکی ریپبلکن رکن کانگریس نینسی میس نے ایران میں زمینی فوج بھیجنے کی شدید مخالفت کرتے ہوئے خبردار کیا ہے کہ واشنگٹن کی جنگی پالیسی ایران کو دوسرا عراق بنانے کی کوشش کر رہی ہے۔

ہاؤس آرمڈ سروسز کی بریفنگ کے بعد اپنے بیان میں نینسی میس نے کہا کہ ایران میں فوج اتارنے کے خلاف ان کا مؤقف مزید مضبوط ہو گیا ہے اور وہ کسی صورت امریکی شہریوں کو ایک نئی جنگ میں جھونکنے کی حمایت نہیں کریں گی۔

انہوں نے کہا کہ صدر ڈونلڈ ٹرمپ اپنی پالیسیوں میں کامیاب رہے تاہم امریکہ کو ایران کے معاملے میں عراق جیسی صورتحال دہرانے سے گریز کرنا چاہیے۔

نینسی میس نے دو ٹوک الفاظ میں کہا کہ وہ ایران کو نیا عراق نہیں بننے دیں گی اور کسی بھی ممکنہ جنگی اقدام کی مخالفت جاری رکھیں گی۔