اسلام آباد میں 2026ء کی پہلی سہ ماہی میں کتنے سرچ آپریشن کیے گئے؟

اسلام آباد (صداۓ سچ نیوز) پولیس نے اسلام آباد کے مختلف علاقوں میں کیے گئے سرچ آپریشنز کی تفصیلات بتا دیں۔

ترجمان پولیس کے مطابق سر چ آپریشنز جرائم پیشہ عناصر اور غیر قانونی طور پر ملک میں مقیم افراد کے خلاف کیے گئے۔

ترجمان پولیس نے بتایا کہ 2026ء کی پہلی سہ ماہی میں 597 سرچ آپریشنز کیے، ان آپریشنز کے دوران 57 ہزار 961 افراد اور 25 ہزار 25 گھرانوں کو چیک کیا گیا، 6 ہزار 871 دکانوں اور 2 ہزار 188 ہوٹلوں کی بھی تلاشی لی گئی۔

یہ بھی پڑھیں: روس نے ایک بار پھر ایران کے افزودہ ایٹمی مواد کو منتقل کرنے میں مدد کی پیشکش کردی

ترجمان پولیس کے مطابق آپریشنز کے دوران 19 ہزار 343 موٹرسائیکلوں اور 6 ہزار 884 گاڑیوں کی جانچ پڑتال کی گئی اور 362 افغان شہریوں سمیت 3 ہزار 383 مشکوک افراد کو تھانوں میں منتقل کیا گیا۔

ترجمان پولیس نے یہ بھی بتایا کہ ملزمان سے 12 کلاشنکوف، 4 رائفلز، 8 بندوقیں، 5 کلو چرس، 6 کلو ہیروئن، 5 کلو آئس اور شراب بھی برآمد کی گئی۔