پاپین راولپنڈی، سالانہ مجلسِ عزا و ماتمی جلوس بسلسلہ شہادت امام حسینؑ 13 اور 14 محرم کو برآمد ہوگا

راولپنڈی (صدائے سچ نیوز) راولپنڈی کے علاقے پاپین نزد جوڑیاں میں سالانہ مجلسِ عزا و ماتمی جلوس بسلسلہ شہادت امام حسین علیہ السلام کا انعقاد 13 اور 14 محرم الحرام کو کیا جائے گا۔ مجلس عزا و ماتمی جلوس زیر انتظام انجمن غلامانِ عباس، پاپین سالار زوار ملک یاسر عباس جعفری منعقد کی جارہی ہے۔

تفصیلات کے مطابق 13 محرم الحرام کو ماتمی جلوس بعد از مجلس عزا امام بارگاہ قصر شبیر سے صبح 10 بجے برآمد ہوگا جو کہ اپنے مقررہ راستوں سے ہوتا ہوا بوقت مغرب امام بارگاہ قصر حسینیہ میں اختتام پذیر ہوگا جبکہ 14 محرم الحرام کو مجلس عزا کا آغاز صبح 10 بجے ہوگا۔

مجلس عزا سے سید نجم الحسن شیرازی آف بھلوال، ذاکر آل محمد اسرار رضا آف راولپنڈی، ذاکر انتظار مہدی آف جوہر آباد، مولانا اسحاق حسین ترابی آف جھنگ، مولانا مقصود رضا عابد آف چکوال، علامہ جعفر حسین شاہ، سوگاہ سیداں، زاہد سالک آف لیہ، علامہ غلام حسین علوی آف ڈہوک اڈرانہ، ذاکر اہلبیت سید شجاعت عباس کاظمی آف گاہی سیداں، ذاکر مدثر حسین کرمال آف چکوال، سید طاہر عباس ہمدانی آف چک بیلی خان و دیگر معروف ذاکرین، علمائے کرام ذکر محمد و آل محمد کریں گے۔

سالانہ ماتمی جلوس و مجلس عزا میں ماتمی سنگت کاروان شاہ چن چراغ، راولپنڈی سالار سید جون علی کاظمی، کاروان بیمار کربلا سالار سید قوسین عباس ہمدانی، ماتمی سنگت لشکر امام مہدی سالار سعادت حسین کاظمی، مرکزی ماتمی کاروان شہزادہ علی اصغر سالار زوار غلام عمران، تصور عباس ، مرکزی ماتمی دستہ سید سخی شاہ زمان موتیاں والی سرکار سالار سید حبدار حسین شاہ، ماتمی سنگت کف عباس، چک بیلی خان سالار طلعت عباس، ماتمی سنگت سپاہ علی اکبر، کڑاہی، ماتمی سنگت وفا ذوالجناح سالار اسد عباس، ماتمی سنگت غلامان عباس سالار راجہ اکرام، ماتمی سنگت دعائے زہرا، پاپین سالار زوار ملک یاسر ماتمداری کریں گی جبکہ ولایت علی سید اڈا پارٹی، انجمن سجادیہ سید اڈا نوحہ خوانی کریں گی۔

منتظمین نے تمام اہل اسلام سے بروقت شرکت کی اپیل کی ہے۔