جنگ بندی میں توسیع پر غور نہيں کر رہے، شاید اس کی ضرورت ہی نہ پڑے، ٹرمپ

واشنگٹن(صداۓ سچ نیوز) امریکی صدر ڈونلڈ ٹرمپ نے کہا ہےکہ ایران سے  جنگ بندی میں توسیع پر غور نہيں کر رہے  اور شاید اس کی ضرورت ہی نہ پڑے۔

امریکی ٹی وی کو دیے گئے انٹرویو میں ڈونلڈ ٹرمپ نے کہا کہ جنگ ختم ہونے کے قریب ہے، ایران بہت شدت سے معاہدہ کرنا چاہتا ہے، آنے والے دو دنوں میں ایک حیرت انگیز منظر دیکھنے کو ملے گا، امریکا کی ترجیح معاہدہ کرنا ہے ۔

یہ بھی پڑھیں: سیز فائر کے لئے لبنان اور اسرائیل کے مذکرات کل شروع ہوں گے، امریکی صدر

انہوں  نے کہا کہ ایران کے حملوں سے خلیجی ملکوں کو شدید دھچکا پہنچا، انہیں ہرگز توقع نہیں تھی کہ ایران اُن پر حملہ کردے گا، قطر، سعودی عرب اور متحدہ عرب امارات شدید حیران ہوئے جب ایران نے ان پر حملہ کیا، ان ملکوں کو اندازہ ہی نہیں تھا کہ ان پر بھی حملہ ہوسکتا ہے۔

یہ بھی پڑھیں: ٹرمپ کا چین پر ایران کو اسلحہ فراہم کرنےکا الزام، چین کی تردید

امریکی صدر نے  دعویٰ کرتے ہوئے کہا کہ ایران سے  جنگ بندی میں توسیع پر غور نہيں کر رہے کیونکہ شاید اس کی ضرورت ہی نہ پڑے۔