بنیادی فوجی اہداف حاصل کرلیے، ایران کی فوجی آپریشن کی صلاحیت کئی سالوں کیلئے تباہ کردی، امریکی سینٹرل کمانڈ

واشنگٹن (صداۓ سچ نیوز) امریکی سینٹرل کمانڈ نے ایران کے خلاف آپریشن ایپک فیوری سے متعلق بیان میں کہا ہےکہ ایران کی فوجی آپریشن کی صلاحیت کئی سالوں کے لیے تباہ کردی ہے۔

امریکی سینٹرل کمانڈ کے کمانڈر ایڈمرل بریڈ کوپر  نے ایکس پر جاری بیان میں کہا کہ 50 ہزار سے زائد امریکی فوجیوں نے آپریشن ایپک فیوری انجام دیا، ایران کی فوجی آپریشن کی صلاحیت کئی سالوں کے لیے تباہ کردی ہے، ایرانی فوجی اہداف پر 13 ہزار سے زائد حملےکیے گئے۔

ایڈمرل بریڈ کوپرکا کہنا تھا کہ  ایران کا دفاعی صنعتی اڈہ، میزائل، ڈرون بنانے کی صلاحیت ختم کر دی، ایران میں ہمارے بنیادی فوجی اہداف حاصل ہوگئے، جنگ بندی عمل کی وجہ سے آپریشن میں وقفہ دیا ہے، حکم ملنے پر ہم موجود ہیں، تیار اور چوکس رہیں گے، دنیا کی سب سے بڑی فضائی دفاعی چھتری بنانے میں اتحادیوں کے ساتھ رہیں گے۔