دنیا کا طاقتور ترین پاسپورٹ، برطانیہ ٹاپ 10 کا حصہ، امریکا باہر

برطانیہ دنیا کے طاقتور ترین ٹاپ ٹین پاسپورٹ میں اپنی جگہ بنانے میں کامیاب جبکہ امریکا شامل ہونے سے محروم ہوگیا۔

عالمی پاسپورٹ ریکنگ 2026ء کی فہرست جاری کر دی گئی ہے، گلوبل پاسپورٹ انڈیکس 2021ء سے گلوبل سٹیزن سلوشنز کے ذریعے سالانہ رپورٹ مرتب کرنے کی ذمہ داریاں نبھا رہا ہے۔

مجموعی طور پر 197 ممالک اور خطوں کے پاسپورٹ کی قدر و منزلت درجہ بندی میں ظاہر کی جاتی ہے۔ بہتر نقل و حرکت، سرمایہ کاری اور معیار زندگی کے 3 اہم عوام پر سفری دستاویزات کی طاقت کا تعین کیا جاتا ہے۔

درجہ بندی میں سویڈن نے 100 میں سے 96.5 اسکور لیکر پہلی پوزیشن پر سبقت برقرار رکھی ہے جبکہ افغانستان 72.95 پوائنٹس کے ساتھ آخری نمبر پر رکھا گیا ہے۔

گلوبل موبلٹی فرم کا کہنا ہے کہ برطانیہ کا نیلا پاسپورٹ 8ویں پوزیشن حاصل کرنے میں کامیاب ہوا ہے۔ 2021 اور 2022 میں ساتویں پوزیشن جبکہ 2024 میں چھٹے نمبر پر تھا۔

رپورٹ میں انکشاف ہوا ہے کہ بریگزٹ کے بعد سفری مسائل کے حوالے سے برطانیہ اپنے دیگر ساتھیوں کے مقابلے کمزور ہے۔

درجہ بندی میں دوسرے نمبر پر سوئزر لینڈ 95.2پوائنٹس کے ساتھ فہرست میں شامل رہا۔ فن لینڈ تیسرے نمبر پر، جرمنی چوتھے اور نیدر لینڈز پانچویں نمبر پر ہیں۔

ڈنمارک چھٹے نمبر پر جبکہ آئرلینڈ، برطانیہ، ناروے اور سنگاپور بھی ٹاپ ٹین میں شامل ہو گئے۔

تاہم امریکہ جو 2021 میں پہلے نمبر پر تھا، آج بارہویں نمبر پر پہنچ گیا ہے۔