پیر 27 جولائی کو تعطیل کا اعلان

آزاد جموں و کشمیر(صداۓ سچ نیوز) آزاد جموں و کشمیر حکومت نے 27 جولائی کو تعطیل کا اعلان کردیا، تعطیل کا اطلاق صرف میرپور ڈویژن کے اضلاع میں ہوگا۔

رپورٹ کے مطابق آزاد جموں و کشمیر حکومت نے الیکشن کمیشن کی درخواست پر 27 جولائی کو میرپور ڈویژن میں عام تعطیل کا اعلان کر دیا ہے۔

نوٹیفکیشن میں کہا گیا کہ تعطیل کا اطلاق صرف میرپور ڈویژن کے اضلاع میں ہوگا، جہاں آزاد کشمیر قانون ساز اسمبلی کے انتخابات کے پہلے مرحلے کے لیے پولنگ منعقد کی جائے گی۔

واضح رہے کہ آزاد کشمیر کے میرپور ڈویژن کے تین اضلاع میرپور، بھمبر اور کوٹلی کے 13 انتخابی حلقوں میں عام انتخابات کے لیے تمام تیاریاں مکمل کر لی گئی ہیں، جہاں کل ووٹرز اپنا حق رائے دہی استعمال کریں گے۔

الیکشن کمیشن کے مطابق انتخابات کے پُرامن انعقاد کو یقینی بنانے کے لیے سخت سیکیورٹی انتظامات کیے گئے ہیں، جبکہ پولنگ کے لیے انتخابی سامان، بیلٹ پیپرز اور دیگر ضروری دستاویزات متعلقہ پولنگ اسٹیشنوں تک پہنچا دی گئی ہیں۔