انسانی حقوق کے معاملے پر ہمیں لیکچر دینے والے خود کوئی اخلاقی حیثیت نہیں رکھتے، ایران کی یورپی یونین پر تنقید

تہران (صداۓ سچ نیوز) ایرانی وزیر خارجہ عباس عراقچی نے ایران کے حوالے سے یورپی یونین کے بیانات کو مسترد کرتے ہوئے کہا کہ انسانی حقوق کے معاملے پر ایران کو لیکچر دینے والے خود کوئی اخلاقی حیثیت نہیں رکھتے۔

عباس عراقچی نے یورپی یونین پر تنقید کرتے ہوئے کہا کہ انسانی حقوق کے نام پر ایران کے اندرونی معاملات میں مداخلت ناقابل قبول ہے۔ ان کے مطابق یورپی ممالک کو دوسروں پر انگلی اٹھانے سے پہلے اپنے انسانی حقوق کے ریکارڈ کا جائزہ لینا چاہیے۔

ایرانی وزیر خارجہ نے مزید کہا کہ یورپی یونین کا اپنا انسانی حقوق کا ریکارڈ اسے دوسروں کو اخلاقیات اور انسانی حقوق پر ہدایات دینے کا اخلاقی جواز فراہم نہیں کرتا۔