اسلام آباد، این سی سی آئی اے کا کال سینٹرپر چھاپہ، مبینہ سائبرکرائم میں ملوث افراد موقع سے فرار

اسلام آباد (صداے سچ نیوز) نیشنل سائبر کرائم انویسٹی گیشن ایجنسی (این سی سی آئی اے)  نے سیکٹر جی ایٹ میں کال سینٹرپر چھاپہ مار کر ڈیجیٹل ڈیوائسز قبضے میں لے لیں۔

این سی سی آئی اے نے اسلام آباد کے سیکٹر جی ایٹ میں کال سینٹرپر چھاپہ مارا جس دوران مبینہ سائبرکرائم میں ملوث غیرملکی اورپاکستانی موقع سے فرار ہوگئے۔

این سی سی آئی اے کا کہنا ہے کہ چھاپے کے دوران ڈیجیٹل ڈیوائسز اور دیگرسامان قبضے میں لے کر فارنزک معائنے کیلئے بھجوادیا گیا ہے۔

این سی سی آئی اے کے مطابق کال سینٹر کے ذریعے منظم سائبرکرائم اور ڈیجیٹل فراڈ کا مبینہ نیٹ ورک چلایا جارہا تھا۔